深井陳記燒鵝酒家

Open Now

Now Closed

好日唔會去咁遠，但今日為左食靚燒鵝，究竟可以去到幾盡？成日聽人講深井出名燒鵝，咁岩有外地朋友黎香港玩，點都要帶佢地去試下，順便自己都想見識下☺️呢到燒鵝舖頭開到成行成市，花多眼亂，唔緊要，搵間老字號應該冇死，就揀左陳記燒鵝食😋佢既裝修就好舊式中式酒樓feel,大部份都係圓枱，有幾張卡位，地方都幾大，啲侍應都親切，會介紹餐單😗兩個人食唔到好多，只能叫個例牌燒鵝食😬落單唔駛好耐，碟燒鵝就上枱啦🤤皮好有光澤而且通透，隱約仲見到皮上面鵝既獨有紋路。而皮下面有一層薄薄既鵝油，同埋厚厚既肉。 食落會有油香，但肥而不膩，鵝肉仍有肉汁亦冇騷味。識食梗係要配碗淨瀨粉啦✌🏻除左招牌燒鵝，仲有鑊氣小炒，我就嗌左椒鹽鮮魷同椒絲腐乳通菜。呢到既小菜份量十足，味道亦OK. 我點既椒鹽鮮魷有水準，皮薄粉脆，魷魚新鮮👍🏾👍🏾除左小炒，估唔到都有蒸海鮮食。嗌左蒜蓉粉絲蒸元貝，要兩隻起先可以點。佢既海鮮蒸既火喉岩岩好，元貝亦好大隻好鮮🥰🥰總體黎講，係值得一試，地方冇我想像中咁遠，車程半個鐘就到，都算方便，最緊要係食到靚燒鵝😬