備長

Open Now

Now Closed

居酒屋係唔少人放工happy hour嘅選擇，銅鑼灣呢一間備長佢嘅串燒有返咁上下水準，配啤酒一流，今日就同朋友去咗啤一啤。自家製免治雞肉棒比一般嘅雞肉棒大啲，味道調校得不錯，攪拌溫泉蛋點嚟食一流。明太子雞翼飽滿嘅雞翼燒得又脆又香，入邊釀入咗少少辣嘅明太子，十分惹味。煙肉蠔卷燒煙肉包住嘅燒蠔令到口感好豐富，香脆煙肉嘅油脂滲透落去內層軟滑嘅蠔肉，另外煙肉嘅鹹味有種好似火腿哈密瓜嘅作用般令到入邊嘅蠔更加鮮甜。燒白鱔皮脆肉厚而且爽口彈牙，外層燒至微微焦香，係我每次必食嘅串燒之一。海膽天婦羅第一次食海膽嘅天婦羅，佢入面加咗啲類似紫蘇葉去包住海膽再油炸，感覺幾新鮮。炸味噌雞肉釀番茄呢個係另一個比較少見嘅菜式，將免冶雞釀入蕃茄，在外層鋪麵包糠去炸，除咗口感特別之外，淡淡的味增加上消失甜嘅蕃茄，感覺清新而唔會太乾，味道亦都調校得恰到好處，值得一試。