The Place

因為之前住過一次佢地酒店，食過一次佢地既自助早餐，都印象幾好，今次係特登預早揀左中秋假期，由屋企出發去食佢地自助早餐。黎到餐廳，8點半都已經好多人黎食早餐。安排坐在角落，比較好，唔駛咁多人在我地旁邊行黎行去。我喜歡一早食d生果，所以佢地有既生果都拎左一些，仲有切左既火龍果，之前係有菠蘿，但今日無。沙律果d對於我黎講一早都係比較醒胃，佢地都選擇唔少，大家可以見到律吧有唔同既菜、芝士，仲有火腿果d。另外，煎蛋果個哥仔好好人、好有禮貌，講野好體貼咁，我前前後後都要左份奄列&太陽蛋，賣相係唔錯。👍🏻👍🏻另外，我仲食左個蘋果酥、牛角包，感覺都都ok，拎果度有焗爐，拎果時可以叫佢地先熱一下。當然，我都喜歡食穀物早餐，有牛奶，都有不同既脆脆、穀物早餐，自己配搭下很不錯。😆😆由8半食到11點，很開心過左呢個中秋上午。☺️☺️ 而今次人均消費就在$140左右，性價比唔錯👍🏻👍🏻。