Shiok! (Closed)

今日去希慎 food court 食晏, 上到去唔算好多人, 行左陣就非常好彩地搵倒位坐, 正! 講真, foot court 搵位都幾講運氣, 真係估佢唔倒等邊張先快架.喺 Shiok 叫左個 - 咖喱雞扒飯, 飲熱奶茶.碟飯都幾靚仔, 有一塊似係荷葉墊底, 雞扒同白飯各放一邊, 還有半邊熟蛋, 蕃茄仔, 酸菜以及青瓜做伴碟, 睇落都幾豐富.咖喱有 d 香味, 不過唔算濃, 雞扒尚算嫩滑, 酸菜夠開胃, 青瓜又爽口, 味道不錯! 如果咖喱汁可以稍為多翻 d 會更加好, 成碟飯來說係略為乾左少少.