花丸 (Closed)

多年前已經試過自己整小丸子。今日突然心血來潮想食就上網搵吓有咩好推介。尖沙咀花丸有大量好評，就黎試下咩料。一入到去唔會有煙霧離漫嘅感覺。值得讚一下。一坐低店員就為我地作詳細介紹，店員會關心我地嘅口味有乜嘢唔食有乜嘢食而做翻一個推介。分別叫咗唔同嘅嘢食試一試。首先係小丸子，枱上面有煮食方法。簡單易明，容易做出美味嘅小丸子，配上唔同嘅醬料，認真野味。每一次轉唔同嘅嘢食就有唔同嘅煮食盤。蜜糖黑胡椒豚肉，新鮮柔嫩。盛合御好燒，唔同嘅配料煮成海鮮餅，不錯不錯。黎到必食嘅玉子燒！蛋香傳入鼻已經不得了，再食口，入口即溶既感覺，你懂的！屋台風炒麵，雜菜加蛋配上油面，加上係自己炒，頂呱呱！係飲品方面，柚子梳打，清甜解渴。如果鍾意煮嘢食嘅朋友不妨來試吓喎。