Video
Read full review
2021-09-13
1094 views
去開D2 PLACE睇戲，想搵牛扒食，所以就去左金鳳試下，因為佢最出名都真係食牛扒。以前我住太子成日都去金鳳食扒，貪佢抵食夾大件，但缺點就係又細又迫又舊，不過D2 呢間真係乾淨企理好多，我好中意D2呢間~~~跟餐的餐湯都係傳統香港風格紅白湯，好大碗，個麵包都好暖好鬆軟，試過去花X 食個麵包係叮返熱，UN皮UN肉的好難食，呢個OK我叫左HK$188貴族牛扒餐，原來佢係美國扒，我好大膽叫左5成熟，因為成日睇牛扒關注組佢地話鐵板餐一定要生先好食 LOL真係好大份好厚肉呀好港式鐵板扒餐！最近我睇片見到日本都有好多餐廳都轉左用呢款鐵板餐，唔知點解忽然覺得日本都興緊港式鐵皮餐 LOL切開都真係5成熟，唔錯！但塊扒差不多有2CM咁厚，其實中間位置幾乎係生的。呢塊牛扒肉好腍，肉味好濃，煎到個外皮好脆好香真係好正，份量又大，真心好食過好多貴價餐廳，性價比真係超。高貴價餐廳好多牛扒都係勝在好腍好易咬開，但無咩咬口同牛味，呢塊就真係夠牛味好香啦，不過當然佢都唔係平，188蚊塊，真心唔算係平嘅，但對得住個價錢。不過食食下有D位太厚肉只有3成熟，好生................我真係接受唔到咁生，我覺得牛扒
以前我住太子成日都去金鳳食扒，貪佢抵食夾大件，但缺點就係又細又迫又舊，不過D2 呢間真係乾淨企理好多，我好中意D2呢間~~~
跟餐的餐湯都係傳統香港風格紅白湯，好大碗，個麵包都好暖好鬆軟，試過去花X 食個麵包係叮返熱，UN皮UN肉的好難食，呢個OK
我叫左HK$188貴族牛扒餐，原來佢係美國扒，我好大膽叫左5成熟，因為成日睇牛扒關注組佢地話鐵板餐一定要生先好食 LOL
真係好大份好厚肉呀
好港式鐵板扒餐！最近我睇片見到日本都有好多餐廳都轉左用呢款鐵板餐，唔知點解忽然覺得日本都興緊港式鐵皮餐 LOL
切開都真係5成熟，唔錯！但塊扒差不多有2CM咁厚，其實中間位置幾乎係生的。
呢塊牛扒肉好腍，肉味好濃，煎到個外皮好脆好香真係好正，份量又大，真心好食過好多貴價餐廳，性價比真係超。
高貴價餐廳好多牛扒都係勝在好腍好易咬開，但無咩咬口同牛味，呢塊就真係夠牛味好香啦，不過當然佢都唔係平，188蚊塊，真心唔算係平嘅，但對得住個價錢。
不過食食下有D位太厚肉只有3成熟，好生................我真係接受唔到咁生，我覺得牛扒係要煎到好香有肉汁咁先好食，咁生真係唔岩我
跟住同侍應講可唔可以幫我加返熱，因為太厚肉啦，佢塊鐵板都煎唔掂。
佢即刻幫我囉返入廚房補煎再換鐵板，SO NICE!!!! 好開心~~~
之後再食就差不多5-7成熟，易入口好多。
我以後都唔會信牛扒關注組班人，佢地係鍾意食牛扒刺身多D..............
-------
我朋友叫左雞扒，有兩大塊，都OK WO，份量好多呀
我無食，所以無意見
Post
