大鍋口海鮮火鍋店 (Closed)

一行三人，晚上8點黎到旺角分店的大鍋口火鍋放題，任飲任食。友人極力推介！我地walkin ,等左大概15mins 到就入得。我地叫左2種湯底，1個沙嗲，另一邊就加左$48 叫左鯊魚骨猴頭菇湯底。首先，湯底都未叫 侍應哥哥就放低左一“行”調味架，飲品係叫侍應哥哥拎ge, 有道地烏龍，忌廉鮮奶，jollysandy可樂,忌廉同韓國7喜，仲有成jar 檸檬薏米水。menu 上都有好多選擇，特別推介ge 係我第一次食到ge 千島龍蝦丸 ，咬落去千島醬加蟹子ge爆漿,味道出奇地夾，仲有正當拼命係menu 上搵緊腸仔時，眼角餘光竟然發現台灣黑椒一口腸而且仲有是日時令海鮮 ，生猛海蝦，蟹柳係用台灣蟹棒，仲有超甜粟米份量全部按人頭份量，細細碟唔怕嘥，食完又可以再叫。真係cp值高嘅食店。同埋每人都有2對筷子，分別夾生熟食物。通常任食都係一大兜上，成隻碟都有生肉血水甘 呢間就衛生得多，最欣賞佢分碟上。