大滿喜日本料理 (Closed)

話說今日烈日當空踢完波，個肚空虛到一個點。。梗係要去補一補佢啦，打俾老婆，老婆話好耐無食日本放題，呢間大滿喜上之前又有朋友推介過，好！就去試試佢！食放題最緊要安排食物種類既次序，一開始唔好食D油膩野，所以一如既往一定係叫剌身壽司凍盤先！剌身擺位靚，油甘魚夠厚切，仲有象拔蚌夠爽全無腥臭冰水味！正！三文魚亦夠厚身，油脂分佈均勻，非常高質。本人最愛火灸系壽司，呢度既火灸系壽司亦都無令我失望，由其係我最愛既火灸左口魚裙邊壽司，入口即溶但個賣相又不鬆散，蒜粒燒和牛肉質不會太韌，值得一試。芝士系卷物亦是不負所望，配搭著鰻魚的惹味，可口非常！黎到熱薰部分，燒羊架！肉質剛剛好！不會太乾，啖啖都充滿住香草羊肉的香氣。放題稀客—炸鮮奶，外脆內軟，不錯！芝麻雞翼，炸一口芝士，呢間店的炸物燒物質素都非常高！辣酒煮蜆，蜆肉無砂，隻隻有肉，辛辣度適中，啱我！飲品櫃種類非常多，值得推介既係有新的白色樽可樂，又有解茶，邊食邊解，真係食多D都唔怕喇喂！總結CP值超高！我會再回來的！