大滿喜日本料理 (Closed)

已經唔係第一次食呢間位於旺角創興既大滿喜，喜歡佢地點方便，價格相宜（星期一至四$223加一），最重要係食物款式夠多，服務質素亦夠好！呢晚食放題完全無漏單/要吹單既情況出現，而且食物都黎得好快，完全無浪費到兩小時任食既時間。店員服務殷勤，行過有吉碟就會即刻幫你收左佢。呢間有半自助生律吧，亦有凍蝦同青口，食左幾隻都覺得幾新鮮。除左罐裝飲品外，發現呢度仲有任飲既日本清酒同梅酒！我飲左半杯梅酒，味道同出面買到既一樣，酸酸甜甜易入口。刺身款類算多，蝦有甜蝦、虎蝦同海蝦選擇，如果佢有埋大牡丹蝦就更好！推介大家食吞拿魚刺身，厚切口感豐富又鮮甜。鵝干帶子同蔥吞拿魚創作壽司，入口即溶。仲有必食既海膽手卷！吉烈炸生蠔，咬一口熱辣辣超鬆脆！甜品雪糕雖然無哈根大師/movenpick，但佢有得任食雀巢脆皮雪條，而且仲有3款口味，一次過食哂真係好滿足！