一鍋堂 (Metroplaza)

Open Now

Now Closed

成日聽屋企人講一鍋堂有幾抵食，有幾高質，今次終於到我去一鍋堂食火鍋啦🤩 由於今次是第一次嚟，我同朋友就決定叫個屬於中等價位$178的特選安格斯牛（set B)100分鐘午市火鍋放題，見個餐牌有美國安格斯牛，又有西班牙栗飼豬肉同紐西蘭羊捲肉，再有幾款牛同特色食物可以揀，未食先興奮🤭 仲有好多款湯底可以揀，有成16款咁多，三心兩意之下就加咗少少錢叫咗鴛鴦鍋，揀咗藥膳同番茄，藥膳湯底有台灣的感覺，唔會好重藥材味但又食很出係養生鍋，而個番茄湯底都好正，都係俾多$50, 好抵。食放題就係要全部食物都要叫下，同埋個重點係肉肉肉🤩 全部肉個色澤好靚而肥瘦都好平均，好有肉味，睇一睇都知唔係平價貨。除高質肉之外，我最鐘意食佢個准山同蟹籽手打蝦滑，前者唔係邊度都有很叫，後者就夠彈牙。另外，仲有自助區，包括醬料，飲品，熱食，其他火鍋配料，菜，選擇夠多元化。最驚喜係有羽衣甘藍， 貴價菜啊！！！除咗食物之外，我好鐘意餐廳的坐位安排，張枱夠大，卡位坐很好舒服。我亦都好鐘意用QR code 落單，唔使等職員來，而上菜有速度，保證食放題會食到飽，同埋職員會放一樽高湯係枱，可以隨時自己加湯，唔使等，非常有效率，非常自助