320
15
9
Exit D, Kwai Fong MTR Station, Exit E, Kwai Fong MTR Station continue reading
All Branches (4)
Telephone
36188219
Opening Hours
Today
11:00 - 16:00
17:00 - 00:00
Mon - Sun
11:00 - 16:00
17:00 - 00:00
Payment Methods
Visa Master AlipayHK Alipay Cash UnionPay Apple Pay Google Pay
Number of Seats
300
Other Info
Wi-Fi
Alcoholic Drinks
Phone Reservation
Delivery
10% Service Charge
Spot payment
Above information is for reference only. Please check details with the restaurant.
Review (365)
Level4 2022-08-04
1063 views
葵芳新都會高質任食火鍋店餐廳環境寬敞座位舒適,通道寬敞冷氣充足,火鍋料高質,處理乾淨衛生,侍應服務態度良好,上菜又快又準,位於新都會商場, 鄰近葵芳地鐵站, 價錢大眾化,湯底:沙參肉竹鯊魚骨湯,撈到有好多湯料,湯底滾起先嘗了一口, 湯底幾鮮甜,同平時出面嗰啲味精湯底不一樣,飲完唔會覺得好口渴,出面自助區嘅蔬菜區,有好多唔同種類嘅蔬菜任君選擇,按種類,分開一份份放入雪櫃, 乾淨衛生,啲菜洗得幾乾淨, 冇沙冇泥冇菜蟲,顏色新鮮翠綠, 食落亦都覺得脆口爽甜。自助區嘅熟食區, 有五至六款嘅熟食任揀任夾,有惹味小食,亦有飽肚飯麵, 樣樣都食咗少少,味道幾好,質素唔錯。自助區仲有其他火鍋生料,可以任夾,選擇都有好多:芝士獅子狗、廚師雞肉腸、綠中寶、迷你素腸仔、午餐肉、各種丸類、出前一丁、花米粉…………仲有其他冷盤前菜……自助區嘅飲品,有大量各式各樣嘅紙包飲品,或罐裝飲品,仲有佢哋自家製嘅膠樽裝飲品,如果想要熱飲,亦有茶包和咖啡機, 實有一款啱你。自助區嘅雪糕, 最近係桃味,綿密軟滑,桃味好香,而且唔會過甜,好味。自助區嘅汁醬區, 乾淨企理多配料選擇,有生蒜、炸蒜、辣椒、芫茜、蔥……豉油都有兩款可以選擇:柚子豉油或火鍋豉油。Scan QR code下單:有好多唔同款式嘅手打丸類選擇,手打孜然雞丸、手打三寶丸、黑松露手打墨魚滑、手作珍寶蝦丸、蟹籽手打蝦滑……全部嘅口感都勁正,好彈牙!特別一提嘅火鍋料係麻辣撈雞柳,醃得好入味,但係又唔會太辣,滾完之後仍然食得出麻辣嘅味道,重點係:雞柳好滑溜!反覆點咗幾次!真係好好食!啲蝦好新鮮,色澤紅亮,肉質鮮甜爽口,一啲都唔霉。呢度提供嘅稻庭烏冬係急凍稻庭烏冬,以任飲任食,街坊價嘅火鍋店黎講,算少有,因為呢隻急凍稻庭烏冬較為高質,一啲都唔酸,烏冬彈牙滑溜, 滾兩滾就好快可以食得。仲有佢哋嘅自家製胡椒麵, 好耐煮,滾得耐少少,都唔怕會變麵糊, 好重胡椒味,彈牙,獨家,出面冇得食。 continue reading
(The above review is the personal opinion of a user which does not represent OpenRice's point of view.)
Level4 2022-06-30
2842 views
好喜愛一鍋堂的放題,食物新鮮多款式,點完上枱非常快速,點得開心食得也開心美味! 今晚食的是葵芳新都會廣場的一鍋堂 。一鍋堂座位非常寬敞,大大張的四人卡位非常寬敞舒適,我們兩位就被安排坐了四人枱。放題有自助區及網上 qrcode點菜,自助的區域範圍也頗大,有熟食、冷盤、自制沙律、粉面、丸類、蔬菜、飲品……等,任取任點任食。自助熟食有香辣餐肉炒飯、紅燒蘿蔔牛腩、咖哩豬皮、蘿蔔魚丸、麻辣豬耳、酸辣鳳爪……,非常多款式……,酸辣鳳爪最搶手,一下子畀人取得八八九九……沙嗲鍋底非常濃郁,令灼過的肉類都很入味……Qrcode點完上枱非常快速,毫不漏單~~精選進口牛板腱、美國安格斯牛肉、封門柳……, 牛肉都有多款式,牛板腱及封門柳都有牛味,而美國安格斯牛肉更為出眾~~紐西蘭羊卷肉,切得厚薄適中,肥瘦適中,帶有少少羊肉的特有香,令我點完再點~~西班牙栗飼豬肉,口感緊緻帶點爽,肉咮比一般的豬肉特別有口感及好味。海鮮也有多款式,手串生猛海蝦新鮮彈牙有蝦味~~白鱔片、新鮮魚雲、手打墨魚丸……好新鮮,又鮮味,白鱔片點完又點~~,食得好開心~~蟹籽手打墨魚滑,入口爽,有墨魚滑的鮮。推介海鮮珍珠貝、沙白蜆、真係花膠……沙白蜆肉質特別爽,細細粒好肥好飽滿~還有牛柏葉不會靭,好爽口~還要了一些喜愛的素食,鮮淮山、日本南瓜、鮮萵筍、蕃茄、蓮藕片、紅心蘿蔔……任揀任食,好滿足~~~ continue reading
(The above review is the personal opinion of a user which does not represent OpenRice's point of view.)
Level4 2022-06-17
2334 views
兩個人打邊爐,任食最經濟,一個價錢可以食到飽飽又可以食到勁多唔同款!以任食來講,一鍋堂絕對係我地首選基本每個月都食1-2次呢間葵芳新都會廣場係旗艦店,地方又大又新!👇招牌打咭位價錢方面,我地食五點場,七點離座;勁抵食,$208加一,呢個價錢食到呢個質素同咁多款式,真係無得輸* 鴛鴦鍋額外+$50多款湯底選擇先講下環境:燈光明亮,裝修新穎;環境乾淨衛生;最重要係冷氣充足,30幾度打邊爐都一樣食得輕鬆舒服而且抽氣好,食完唔會一陣味一大排飲品雪櫃,重有咖啡機同雪糕機添!自助區有菜有丸,可以自取;重有餐前小食同熟食出曬煙🤣溫度keep得好,食都食得放心而且好企理乾淨,定時有人fill同整理👍麻辣秋葵勁勁,沙律都新鮮好味,重有麻辣系列都好開胃惹味我地揀左B餐,肉類質素好,牛板鍵、封門柳、牛舌都必點,重有海蝦、麻辣雞柳,都必點當然唔少得手打系列好豐富平心而論,呢個價錢,咁既環境、食物款式、質素,我好滿意 continue reading
(The above review is the personal opinion of a user which does not represent OpenRice's point of view.)
Level4 2022-06-16
1687 views
一鍋堂一向都覺得唔錯,今次來到葵芳分店,這間分店環境很大,而且有很多卡位,令人坐得舒適!這次就來吃了午市的火鍋放題,我們選擇了B餐,包括有4款不同部分的牛肉,還有豬肉和羊肉!湯底方面我們揀選了芫茜皮蛋湯,湯底好香芫茜味,味道都幾濃,唔會好淡,好有降火的感覺!肉類、餃類、手打丸及滑都可以用手機下單,上菜速度都很快,而且沒有漏單的情況!牛肉方面有美國安格斯牛肉、封門柳、牛脷心托、精選進口牛板腱,當中牛板腱及封門柳的肉質都較鬆軟,牛肉味濃!而羊肉和豬肉都好高質,羊肉六不會很羶!這裡的墨魚滑口感爽口彈牙,也有潮州魚蛋、札肉丸可以食到!餃子方面亦有多款選擇,我們就吃了韭菜餃和麻辣豬肉餃,味道都好香,而且餡料都有很多!一些現有的丸類、蔬菜,也可以於自助區取到!還有一些小食、熱盤也可以在自助區拎到!飲品款式也有很多,自家茶飲也有幾款可以選擇!這裡還有雪糕可以食呢,不過太飽了吃不到! continue reading
(The above review is the personal opinion of a user which does not represent OpenRice's point of view.)
Level4 2022-06-07
1705 views
呢幾個weekend #小秘書 真係忙過不休,除咗每個星期六要返去練水🏊🏻‍♀️ 我嘅飯局都唔少🤭 早兩日我又約咗個舊同事出嚟,難得大家志同道合,梗係要去食個 #火鍋 先shopping啦🤭🤭醒起自己都有段時間都冇去到 #葵廣 「入貨」🛍,就嘗試吓去上網睇吓 #葵芳 有咩好嘢食,順便換吓季🛒,最終比我搵到 一鍋堂 E Pot 🤤 印象中對上一次幫襯已經對上年嘅事,記得佢嘅 #日式 大堂裝修,非常吸睛,仲有成度牆咁大嘅 #飲品櫃,整體好有新鮮感😙嗰日我哋叫咗兩個B餐,再加少少錢將 #海鮮 加埋落我哋個menu裡面。話晒任食100分鐘,梗係要爭取時間啦,我哋先叫咗個 #杏汁豬肺湯 做 #湯底,再叫 #火鍋料,就開始出去睇吓有咩 #小食 同 #飲品。#一煱堂 除咗飲品款式多,原來 #小食 都唔少,不過當然要留定個肚 #打邊爐 啦。鍾意食 #牛肉 嘅你,我相信你一定會鍾意❤️ #安格斯牛肉、#封門柳、#牛脷心托、#牛板腱 都會喺B餐 menu搵到,而且質素絕對唔係任食嗰種行貨,放入湯底煮10秒左右就食得,口感都好嫩滑呀🤤 不過最估唔到係我至愛嘅 #蝦 🦐 都一樣又大隻又爽口🤤 狂掃一輪,最後我哋再用埋充滿日月精華嘅湯底煮埋個 #出前一丁 🤤 真係飽到連夜晚嗰餐都唔使食呀🤣🤣🤣 continue reading
(The above review is the personal opinion of a user which does not represent OpenRice's point of view.)