Video
Read full review
2025-07-20
1250 views
最近聽朋友講，一鍋堂既會員計劃超吸引，新會員迎新優惠有免費鴛鴦湯底、贈送元貝，仲有積分升級系統，每月定期回贈會員現金券、折扣券、食物券、延長時間券等等。黃卡每月九折、金卡八五折、白金卡八折，聽落好抵食，即刻就join左佢地既會員，儲埋下一轉就可以用coupon 啦🍲.日本黑毛和牛A4+套餐 $338叫左佢地主打既日本黑毛和牛A4+任食套餐，每位$338，性價比高到爆！呢個套餐有日本黑毛和牛A4+做主角，仲包埋極尚安格斯牛小排、鮮甜桶蠔、磯煮鮑魚、原隻鮑魚、原隻帆立貝等等高質海鮮肉類，全都任食。加埋自助吧任飲任食，仲有自家製有營茶、特色熟食、季節即食小食，食到抱住個肚腩走，絕對係火鍋迷既天堂啊～🥩🦪.鴛鴦湯底加左$50食鴛鴦湯底，一鍋自家麻辣鴨血豆腐鍋拼酸辣排骨湯，呢個組合勁過癮！麻辣湯底用大蒜、京蔥、花椒、茴香、辣椒等10幾種香料熬成，味生性溫麻味濃烈，越煮越辣，鍋裡面有鴨血同豆腐吸晒d辣汁，咬落嫩滑又入味。酸辣排骨湯就用大件排骨熬，加入大量芫荽、紅辣椒、洋蔥等，味道好似泰國火山排骨咁，酸辣開胃，食完一口就精神晒！🌶️🍲.任食豬。牛。羊肉類可以無限encore，頭盤就係必食既日本黑毛和牛
最近聽朋友講，一鍋堂既會員計劃超吸引，新會員迎新優惠有免費鴛鴦湯底、贈送元貝，仲有積分升級系統，每月定期回贈會員現金券、折扣券、食物券、延長時間券等等。黃卡每月九折、金卡八五折、白金卡八折，聽落好抵食，即刻就join左佢地既會員，儲埋下一轉就可以用coupon 啦🍲
.
日本黑毛和牛A4+套餐 $338
叫左佢地主打既日本黑毛和牛A4+任食套餐，每位$338，性價比高到爆！呢個套餐有日本黑毛和牛A4+做主角，仲包埋極尚安格斯牛小排、鮮甜桶蠔、磯煮鮑魚、原隻鮑魚、原隻帆立貝等等高質海鮮肉類，全都任食。加埋自助吧任飲任食，仲有自家製有營茶、特色熟食、季節即食小食，食到抱住個肚腩走，絕對係火鍋迷既天堂啊～🥩🦪
.
鴛鴦湯底
加左$50食鴛鴦湯底，一鍋自家麻辣鴨血豆腐鍋拼酸辣排骨湯，呢個組合勁過癮！麻辣湯底用大蒜、京蔥、花椒、茴香、辣椒等10幾種香料熬成，味生性溫麻味濃烈，越煮越辣，鍋裡面有鴨血同豆腐吸晒d辣汁，咬落嫩滑又入味。酸辣排骨湯就用大件排骨熬，加入大量芫荽、紅辣椒、洋蔥等，味道好似泰國火山排骨咁，酸辣開胃，食完一口就精神晒！🌶️🍲
.
任食豬。牛。羊
肉類可以無限encore，頭盤就係必食既日本黑毛和牛A4+，呢款牛肉係日本頂級品種，油花分佈均勻，肉質細嫩多汁，涮幾秒就熟，入口即溶，牛味濃郁帶點甜，超正！😍 跟住有極尚安格斯牛小排，肉質彈牙，油脂岩岩好，食落juicy吾柴。仲有澳洲M6和牛牛腹肉、南非和牛三花腱、美國特選安格斯牛肉、美國精選牛扒、西班牙豬梅肉片、伊比利亞黑毛豬、壽喜燒黑豚肉、紐西蘭羊卷肉等，選擇多到眼花，encore到吾停得口！🥓
.
勁量新鮮海鮮
海鮮類一樣勁豐富，有鮮甜桶蠔、磯煮鮑魚、花雕醉鮑魚、原隻鮑魚、原隻帆立貝、瑤柱干貝華、粒粒墨魚鮮蝦滑、白鱔片、脆肉鯇魚片、脆肉鯇魚腩、龍躉班頭腩、水魷件、美顏花膠等等，每款都新鮮彈牙。特別推薦串串鮮海蝦，一串串既設計食得好easy，蝦肉脆口鮮甜，涮熟後彈牙juicy，蝦味濃郁，吾使加醬都夠味！🦐🍤
.
自助區超豐富
自助區係一大亮點，多款火鍋配料好多款係其他火鍋店都未見過，有大埔振興三蔥醬爆貢丸、大埔振興豬骨龍汁貢丸、甜不辣、大埔振興吸汁索魚腐、福袋、八吋長蟹柳、香菇貢丸、濃汁迷你豬肉丸、芝士腸、芝士獅子狗、廚師雞肉腸、餐肉、唐生菜、粟米、香菇、金針菇、豆卜、薯粉、日本南瓜、自家製胡椒拉麵、泰國媽媽即食麵、手工蛋拉麵等等，任你夾，配搭出自己既風味，食到好滿足！🍜🥦
.
餃子控必食
餃子控既我，絕對不能錯過佢地自家製手工水餃，每粒都好飽滿。菠菜皮韭菜餃入面勁多新鮮韭菜，韭菜味好濃郁，咬落皮薄餡多，脆脆地帶點清香，超開胃。鮮蝦雲吞就好多粒鮮蝦，啖啖肉，食落彈牙鮮美，蝦味爆發。木耳豬肉水餃餡有木耳同豬肉，口感脆脆嫩嫩，豬肉汁水足。媽媽梅菜豬肉餃就加左梅菜增加口感，但吾會過鹹，平衡得岩岩好，食完想encore！🥟😋
.
多款飲品雪糕埋尾
飲品雪糕區一樣吾輸蝕，有各款紙包飲品、荔枝梳打水、柑桔水、可樂汽水、青島啤酒、嘉士白啤酒、somerby蘋果酒、百威啤酒。特別係自家製茶酒系列，將茶同酒完美配搭，茶酒互補，有洛神花茶酒、羅漢果菊花茶酒、鴨屎香檸檬茶酒、蜜桃柚子烏龍茶酒。至於雪糕區有d經典口味如雲呢拿、朱古力，任食解暑。🍹🍨
Post
