馬六

Open Now

Now Closed

馬六平時我放lunch都成日揀佢，因為份量多質素又好，今次等我又試埋西環呢間分店質素如何先～～呢間店比灣仔大好多，裝修都好有特色！巴東牛肉班蘭椰漿飯：係一款辛辣嘅肉類料理，佢哋嘅牛肉用咗十多款嘅香料，加埋辣椒同椰奶一齊燉煮，一放入口就食到有辣椒勁度，仲有各種香料混合而成嘅香味，亦會食到嫩滑牛肉入口即化嘅口感，多款味道口感匯聚一齊，配埋充滿椰香嘅椰漿飯，就更加有東南亞嘅特色。新加坡咸蛋黃魚皮：新加坡一大特色小食，用充滿咸香嘅咸蛋黃醬包裹住香脆可口嘅魚皮，為魚皮多添上一份濃烈咸蛋黃嘅咸香味，同魚皮本身好夾。美祿哥斯拉：喺經已好濃郁香甜嘅美祿上面加配美祿嘅香脆波波，可以有效為其增添香脆嘅口感。馬六無骨海南雞唎沙米線：海南雞用嘅係龍崗雞，呢啲雞嘅黃油較多，肉質較嫩滑香濃，餐廳嘅雞仲環係走地雞，所以雞嘅肉質和油脂比例好均勻。呢度嘅喇沙用新加坡華人嘅方式煮，所以味道較其他地方嘅喇沙會較濃嘅椰香。斑蘭咖央多士：多士香脆，加埋用咗斑蘭葉、椰漿、鴨蛋或雞蛋、砂糖和牛油等材料隔水加熱撈勻所做成嘅斑蘭咖央醬，食落有椰香同斑蘭嘅獨特香味，亦有香甜嘅味道，令人一食上癮。