Video
Read full review
2018-11-05
5149 views
今晚朋友約我去銅鑼灣這餐廳晚飯，我問朋友去食乜嘢? 佢神秘話去到就知，一到步，見到有食客喺度食雞，我就答係一間韓式餐廳，朋友笑笑口話: Bingo!!餐廳面積都幾大，因為佢係一個長方形嘅格局，望落去都幾闊落，樓底高，坐得舒適。今次朋友話唔食雞，食其他風味嘢，我舉腳贊成，因為若然每次都食雞就會變得冇乜新意，我們先叫兩杯特飲，分別係藍檸檬同埋水蜜桃碳酸水，顏色搶眼，酸酸地幾開胃醒神。烤肉嫩豆腐火鍋$160大概就是中餐的雜菜煲吧？!有蔬菜、韓式粉絲、豆腐、烤肉，還要一大嚿紅紅的辣膏。這個火鍋遞上的時候仍然係清清地嘅顏色，當那夠辣醬溶在湯中，一瞬間就變到成個紅紅的湯，慢慢地滾起就更似火山爆發般澎湃。烤肉出奇地好味，熱豆腐也很嫩滑，粉絲軟身而不硬，整道菜式是惹味十足，拿來送飯一流，食多幾碗都得。吞拿魚沙律紫菜包飯$68服務員說有六件，但我們得兩個人，以為食完會很飽，不過送來的時候，每一件的size都不是太大件，逐件逐件很快就食完，我覺得這道菜清清地，有淡淡吞拿魚和沙律的味道，清新之選，不錯。豬腳$240豬腳有點乾身，不是太重嘅豬肉味，反而點了一些辣醬更惹味，將生菜包著洋蔥、蒜片、紅色蘿蔔片，再放
餐廳面積都幾大，因為佢係一個長方形嘅格局，望落去都幾闊落，樓底高，坐得舒適。
今次朋友話唔食雞，食其他風味嘢，我舉腳贊成，因為若然每次都食雞就會變得冇乜新意，我們先叫兩杯特飲，分別係藍檸檬同埋水蜜桃碳酸水，顏色搶眼，酸酸地幾開胃醒神。
烤肉嫩豆腐火鍋$160
大概就是中餐的雜菜煲吧？!有蔬菜、韓式粉絲、豆腐、烤肉，還要一大嚿紅紅的辣膏。
這個火鍋遞上的時候仍然係清清地嘅顏色，當那夠辣醬溶在湯中，一瞬間就變到成個紅紅的湯，慢慢地滾起就更似火山爆發般澎湃。
烤肉出奇地好味，熱豆腐也很嫩滑，粉絲軟身而不硬，整道菜式是惹味十足，拿來送飯一流，食多幾碗都得。
吞拿魚沙律紫菜包飯$68
服務員說有六件，但我們得兩個人，以為食完會很飽，不過送來的時候，每一件的size都不是太大件，逐件逐件很快就食完，我覺得這道菜清清地，有淡淡吞拿魚和沙律的味道，清新之選，不錯。
豬腳$240
豬腳有點乾身，不是太重嘅豬肉味，反而點了一些辣醬更惹味，將生菜包著洋蔥、蒜片、紅色蘿蔔片，再放兩片豬腳肉一啖咬落去，好有不同的層次口感，食得滋味。
今次無叫炸雞一樣食得過癮，啱曬我呢啲比較鍾意重口味食物嘅人，一於下次再約朋友食過。
Post
