Abbraccio

意大利菜跟阿根廷菜聯手嘅一間餐廳，當晚我哋主要食意菜，所以被安排坐《Abbraccio 》，地方寬敝都坐得舒服，最角落有塊大玻璃見到廚師響度整pizza，有姿勢有實際，不過食物質素就未如理想，唔會有下次。3 course $398===========🍴安格斯牛肉丸⭐️肉丸咬落實淨乾身，一啲肉汁都無，幸好有蕃茄醬彌補。🍴大蝦pizza⭐️⭐️Pizza烤得薄脆，連邊都好味，不過大蝦切得太細，味道同口感一般，反而之前食過嘅四式芝士較吸引。🍴Tiramisu⭐️⭐️層次分明，口感濕潤，咖啡同酒味同樣香濃，可惜甜度太高。4 courses $498============🍴生菜沙律醬配松露醬⭐️⭐️⭐️⭐️生菜新鮮爽脆，杏仁片同松露醬比得慷慨，一份沙律份量算大。🍴三文魚忌廉直通粉⭐️⭐️⭐️⭐️忌廉汁實在太犯規，creamy又濃郁，令煙韌嘅直通粉掛曬汁，令三文魚變成配角。🍴西冷牛扒⭐️一心以為有肉櫃牛扒一定好味啦，但呢塊西冷肉質非常韌，似食香口膠，而且肉味唔重，反而之前食過嘅牛柳更出色。意式奶凍⭐️一字形容「甜」，完全食唔到奶味，同食砂糖無分別。二人共消費：$986