八幡屋涮涮鍋 (Closed)

同朋友出去旺角拎野行到夜又攰，就搵間火鍋食下好好彩八幡屋涮涮鍋有位！因為第二日要番工就食90分鐘火鍋放題牛肉有4個級數可以選美國進口牛肉、美國安格斯牛肩胛、澳洲M5和牛、日本黑毛和牛個餐包壽司、揚物、仲有自助吧任食我地要了A2美國安格斯牛肩胛可以食到美國安格斯牛肩胛、美國進口牛肉、黑豚肉、豚腩片無幾耐就上豬骨湯，牛肩胛雪花都比較靚，我地主要食呢款當然黑豚肉同豚腩片都唔錯，幾滑！自助吧有唔同蔬菜，都有好多選擇有豆卜、冬瓜、菇、娃娃菜、虫草花、芋絲等炸物可以用QR code點，食完真係好飽！仲有一大盤刺身好豐富，有三文魚、蝦、帶子、鮑魚片等等，比想像中新鮮。食埋雪糕真係好滿足！有朱古力、芒果、咖啡，我特別推介港式奶茶！個味道真係幾似！p.s. 偷聽到隔離枱有上網訂C3餐一送一優惠，下次訂咗先嚟！