Video
Read full review
2019-01-07
543 views
其實平時我都唔會寫食評，今日係第一次，原因真係忍唔住。見生日就上網搵下有乜廚師發板好食，見呢間好評都唔少，就去試下啦。之前訂枱已經講明係生日慶祝，接電話嗰位就話只要叫800蚊嘅餐，就會喺甜品度插支蠟燭當係生日蛋糕。雖然呢個回覆好奇怪，但係都好過冇啦。準時去到，自己都有責任冇提早講有啲乜嘢唔食得。但係嗰個女服務員不停講一定要提早講，如果唔係就冇得揀。佢仲話個set有啲咩安康魚肝，白子咁，咁我哋唯有話唔食啲腥味重嘅銀皮魚啦。老實講，冇諗過喺黃埔800蚊一餐，連少少嘢都轉唔到。一開始有個松葉蟹蒸蛋，講你都唔信，居然係有個玻璃獻喺上面嘅，完全冇諗過會咁，當然係唔好食呀。以為總會有啲特別嘅魚或者貝類食啦，點知全部都係市面上常見嘅魚生。 講咗唔要銀皮魚，佢好似完全冇聽過咁，照比我地食。其他魚我都唔想講，只不過係普通水平。到最後又一味海膽杯，佢話係什麼赤馬糞海膽。一擺落口，大佬呀，腥嘅，完全唔係馬糞海膽嘅水平，究竟放左幾耐呀，當我未食過海膽咩，點會咁嘅味呀。食完海膽啦，佢居然就話上甜品，咁之前講嗰啲安康魚肝，白子呢？？甜品居然係日式蕨餅，咁之前講好嗰啲蠟燭/蛋糕呢？？今次只可以講係中伏，800蚊我可
見生日就上網搵下有乜廚師發板好食，見呢間好評都唔少，就去試下啦。之前訂枱已經講明係生日慶祝，接電話嗰位就話只要叫800蚊嘅餐，就會喺甜品度插支蠟燭當係生日蛋糕。雖然呢個回覆好奇怪，但係都好過冇啦。
準時去到，自己都有責任冇提早講有啲乜嘢唔食得。但係嗰個女服務員不停講一定要提早講，如果唔係就冇得揀。佢仲話個set有啲咩安康魚肝，白子咁，咁我哋唯有話唔食啲腥味重嘅銀皮魚啦。
老實講，冇諗過喺黃埔800蚊一餐，連少少嘢都轉唔到。
一開始有個松葉蟹蒸蛋，講你都唔信，居然係有個玻璃獻喺上面嘅，完全冇諗過會咁，當然係唔好食呀。
以為總會有啲特別嘅魚或者貝類食啦，點知全部都係市面上常見嘅魚生。 講咗唔要銀皮魚，佢好似完全冇聽過咁，照比我地食。
其他魚我都唔想講，只不過係普通水平。
到最後又一味海膽杯，佢話係什麼赤馬糞海膽。一擺落口，大佬呀，腥嘅，完全唔係馬糞海膽嘅水平，究竟放左幾耐呀，當我未食過海膽咩，點會咁嘅味呀。
食完海膽啦，佢居然就話上甜品，咁之前講嗰啲安康魚肝，白子呢？？
甜品居然係日式蕨餅，咁之前講好嗰啲蠟燭/蛋糕呢？？
今次只可以講係中伏，800蚊我可以去灣仔食廚師發辦，而且水平肯定好好多。
收得呢個錢就唔該專重下啲客人，基本上冇一樣嘢係對得住呢個價錢。
Post