麵麵 (Closed)

520咁浪漫嘅日子當然係搵朋友食吓嘢傾吓計啦，朋友揀咗位於旺角嘅餐廳食個下午茶。可能疫情關係下午茶時間，餐廳只有兩三枱，雖然枱之間只用隔板唔係相隔太多位，但都感覺清靜舒服。我哋兩個點咗兩個下午茶餐，兩個小食，細聲講細聲傾，食吓嘢就過咗個浪漫嘅下午。一坐低，職員已經比咗兩個信封我哋擺放口罩，今次係疫情後去過嘅第二間餐廳有提供信封或紙袋比客人。下午茶選擇唔多。+$10香口脆炸魚皮，份量都唔少，都幾新鮮。小食：芝士炸脆雞，雞肉太乾太鞋。流心蛋越南豆腐，流心效果可以，蛋無咩汁有啲淡，中間蔬菜汁料醒胃，左邊豆腐有少少辣嘅醬調味。白肉魚丸鴛鴦春卷魚湯稻庭烏冬(+$10轉魚烏冬)，魚烏冬幾彈牙，春卷扁扁哋，腐皮吸收到湯汁又唔會散晒，唔錯。魚皮餃子濃魚湯稻庭烏冬，烏冬爽滑，三件魚皮餃幾大件，皮比一般嘅魚皮餃更多少少韌性，裏面仲有少少蔬菜類，幾好食吖。+$13凍泡沫奶茶，唔太甜。+$13凍泡沫玫瑰奶茶，啖啖微微嘅玫瑰香，幾好飲。