酒鍋 (V Point) (Closed)

之前聽朋友講話酒鍋嘅火鍋湯底好特別， 一個爐入面可以有幾個湯底， 今日佢就帶我黎登龍街vpoint食酒鍋。一出電梯即見酒鍋大招牌，仲有生猛海鮮缸裝修型格。濕紙巾設計都特別過人。一埋位已經有十二款醬料等緊我地，名為酒為上醬，每位$22。我就鐘意食麻辣，又鐘意黑松露，咁多款湯底款款都引死人。咁就點返個揚名四海$248，一個鍋有4個湯底，有麻辣，黑松露什箘，咸酸菜胡椒豬肚同豬骨湯，個個湯底都好多料。黑松靈什箘湯底好濃好creamy，當我地食辣到有啲頂唔順嘅時候轉食啲唔辣的甜的湯底都幾好！蜂巢豆腐$38，用黎吸收湯底精華一流！開心小企鵝vs咪走雞，各$88。個名同造型都好特別開心小企鵝其實係墨魚丸加左好香嘅墨汁；咪走雞就係蝦丸，二隻丸都好彈牙！即炸手工紫菜響鈴卷$58，又係用嚟吸收湯底精華佳品。頂級安格斯牛頸脊$238 ，睇落好似得幾片，原來佢分量一啲都唔少㗎！用掛架晾住嘅牛肉，賣相好得！黑毛豬腩肉$268，切到成個玫瑰花咁樣，又係賣相一流！朋友好鐘意呢個黑毛豬。海鮮拼盤$368，有兩隻蝦，兩隻蟶子，2隻帶子同幾粒蜆，海鮮好新鮮。我好鐘意酒鍋的湯底，尤其係creamy 的黑松露什菌，期待下次來