Video
Read full review
2023-04-08
1003 views
👍🏻龍蝦龍躉海鮮自助晚餐(78折後) $560放假同屋企人去咗mira呢間buffet，係度簡單記錄一下4月做緊龍蝦龍躉海鮮主題，主打波士頓龍蝦、龍躉同多款海鮮，配以唔同嘅烹調方法係官網book位個陣入promo code，星期日至四dinner buffet就有78折優惠💰 (詳情可以睇返官網😬)晚市1830至2200，我地早咗10分鐘到場已經開始排隊等入座但入到去就唔算好full，大約7成滿，成晚都唔會好迫夾-🔸冰鎮海鮮款式都幾豐富，除咗波士頓龍蝦，仲有松葉蟹腳、鮑魚、老虎蟹、麵包蟹、螺、蜆、青口、凍蝦整體新鮮高質，refill得快keep住成晚狂食😈-🔸熱葷將龍蝦同龍躉以唔同嘅烹調方法處理，整體都幾出色重頭戲一定係即蒸鮮波士頓龍蝦同古法蒸沙巴龍躉，龍蝦爽彈鮮甜，龍躉鮮嫩肥美風沙廣島蠔大大舊，肥美超多汁鮑魚花膠扣鴨掌任食唔嬲😎！片皮鴨、新鮮出爐半肥瘦燶邊叉燒、乳豬、油雞等燒味都唔錯不過全晚個人最鍾意反而係個花膠雞湯，熱辣辣用石鍋滾住上每碗都有大大塊花膠同龍躉片，鮮味濃郁又充滿膠質，忍唔住飲咗6碗🤣-以下係今次主題其中一啲特色菜式🌟🔸碧綠蠔皇鮑魚花膠扣鴨掌 🔸石鍋雞湯龍躉球花膠響米🔸
放假同屋企人去咗mira呢間buffet，係度簡單記錄一下
4月做緊龍蝦龍躉海鮮主題，主打波士頓龍蝦、龍躉同多款海鮮，配以唔同嘅烹調方法
係官網book位個陣入promo code，星期日至四dinner buffet就有78折優惠💰 (詳情可以睇返官網😬)
晚市1830至2200，我地早咗10分鐘到場已經開始排隊等入座
但入到去就唔算好full，大約7成滿，成晚都唔會好迫夾
-
🔸冰鎮海鮮款式都幾豐富，除咗波士頓龍蝦，仲有松葉蟹腳、鮑魚、老虎蟹、麵包蟹、螺、蜆、青口、凍蝦
整體新鮮高質，refill得快keep住成晚狂食😈
-🔸熱葷將龍蝦同龍躉以唔同嘅烹調方法處理，整體都幾出色
重頭戲一定係即蒸鮮波士頓龍蝦同古法蒸沙巴龍躉，龍蝦爽彈鮮甜，龍躉鮮嫩肥美
風沙廣島蠔大大舊，肥美超多汁
鮑魚花膠扣鴨掌任食唔嬲😎！
片皮鴨、新鮮出爐半肥瘦燶邊叉燒、乳豬、油雞等燒味都唔錯
不過全晚個人最鍾意反而係個花膠雞湯，熱辣辣用石鍋滾住上
每碗都有大大塊花膠同龍躉片，鮮味濃郁又充滿膠質，忍唔住飲咗6碗🤣
-
以下係今次主題其中一啲特色菜式🌟
🔸碧綠蠔皇鮑魚花膠扣鴨掌
🔸石鍋雞湯龍躉球花膠響米
🔸板燒牛油芝士虎蝦燴脆麵
🔸古法蒸沙巴龍躉
🔸風沙廣島蠔 🔸鑊炒川味帝皇蟹腳
🔸燒明太子蟹肉釀龍蝦尾 🔸焗香葱蟹肉珍寶帶子
-仲有一般buffet有嘅燒牛肉、刺身、壽司、日式前菜、各款芝士、冷盤、生果等等
甜品款式都算多，有馬卡龍塔同抹茶朱古力噴泉，雪糕就係Häagen-Dazs
篇幅有限出唔晒啲相，呢啲就大致上不過不失冇太大驚喜
-整體keep住都refill得好快，出面啲盤長期都有嘢食唔會係空嘅
食客唔使急住出去搶，亦冇搶住食嘅情況😂
真係可以由6點半食到10點，食足3個半鐘🤰🏻🫃🏻
店員執碟清理亦好快手同主動，座位闊落坐得ok
唯一係buffet飲品只係包咗檸茶檸水咖啡或茶，果汁要另外收費
-味道：9/10
性價比：8/10
-
📍#Yamm @themirahotel
尖沙咀彌敦道118-130號Mira Place, The Mira Hong Kong 地下大堂
Post
