彩

Open Now

Now Closed

彩嘅沾麵可能係全香港最好食嘅，我選擇咗蝦湯，非常濃郁，最正嘅係啲拉麵，佢有幾款口味俾你選擇 ，我選擇咗胡椒味嘅拉麵，第一次食嘅時候，覺得好似胡椒味嗰款公仔麵😅，越食越上癮，因為佢會令到食每一啖都有蝦嘅濃郁味再加上胡椒嘅辛辣味，比起小麥味嘅拉麵多一份刺激，好正好夾。我坐嘅位置係喺煮麵嗰個煲後面，其實我一坐低就已經聞到一陣味，覺得好奇怪，呢陣味正常情況下唔會係一間餐廳度出現，呢陣味就係公廁嘅味道😅，但係四周又冇廁所，點解會有依陣味，我嘗試將隻味拆解，應該係煮麵嗰煲水嘅鹼水味，加埋唔知咩嘢香料嘅味，變成好似公廁嘅味🤣所以喺度食麵都有少少挑戰，希望可以將來改變一下。