Video
Read full review
2021-08-28
598 views
💛💛💛嵐橋日本料理💛💛💛餐廳有兩層，我唔係好清楚上下分別，行錯左。下面係食丼飯為主，上面似居酒屋🏮，同時上面都可以嗌丼飯🤤。黑鯥兩切 $98問店員有咩推介，之後就講左款我未食過未聽過既魚🤔。一試不得了！成份刺身都好鬼香，微微炙左個魚皮，逼左啲魚油出黎，魚皮同魚肉都好香😍。鯖魚兩切 $98朋友鍾意食鯖魚，我個刻心諗嚟到居酒屋，嗌鯖魚倒不如返屋企煮😂。食落幾好，餐廳貨真係唔同啲，比一般急凍個啲好食得多。不過同黑鯥比，黑鯥好食啲😍。池魚半條 $158好食到我地兩個對眼發光😚。佢唔係嗰種靠魚油香先好食嘅魚，佢係食落清清地，好香魚肉味既魚（咁講好似好難明😂）。軟殼蟹牛油果卷 $128我真係好鍾意食軟殼蟹，而食軟殼蟹嘅最好方法就係嗌反卷🤤。一來有飯食，大件夾抵食。二來蟹嘅份量都唔會少得去邊🤩。蟹炸得好香脆，上菜時仲係熱辣辣，絕對係新鮮炸👍🏻。煎沖繩豚肉餃子 $58普普通通，可能因為其他野太好食，所以依個略為有啲失色😣。餃子煎得唔夠脆🥺。雞胸軟骨 $32雞軟骨就聽得多，第一次見雞胸軟骨，呢個同平時食好細粒個啲唔同，今次唔會食到成口油，相反多啲雞肉食，唔錯😛。鹿兒島黑豚蘆筍卷 $42好食，黑豚啊黑豚，
餐廳有兩層，我唔係好清楚上下分別，行錯左。下面係食丼飯為主，上面似居酒屋🏮，同時上面都可以嗌丼飯🤤。
黑鯥兩切 $98
問店員有咩推介，之後就講左款我未食過未聽過既魚🤔。一試不得了！成份刺身都好鬼香，微微炙左個魚皮，逼左啲魚油出黎，魚皮同魚肉都好香😍。
鯖魚兩切 $98
朋友鍾意食鯖魚，我個刻心諗嚟到居酒屋，嗌鯖魚倒不如返屋企煮😂。食落幾好，餐廳貨真係唔同啲，比一般急凍個啲好食得多。不過同黑鯥比，黑鯥好食啲😍。
池魚半條 $158
好食到我地兩個對眼發光😚。佢唔係嗰種靠魚油香先好食嘅魚，佢係食落清清地，好香魚肉味既魚（咁講好似好難明😂）。
軟殼蟹牛油果卷 $128
我真係好鍾意食軟殼蟹，而食軟殼蟹嘅最好方法就係嗌反卷🤤。一來有飯食，大件夾抵食。二來蟹嘅份量都唔會少得去邊🤩。蟹炸得好香脆，上菜時仲係熱辣辣，絕對係新鮮炸👍🏻。
煎沖繩豚肉餃子 $58
普普通通，可能因為其他野太好食，所以依個略為有啲失色😣。餃子煎得唔夠脆🥺。
雞胸軟骨 $32
雞軟骨就聽得多，第一次見雞胸軟骨，呢個同平時食好細粒個啲唔同，今次唔會食到成口油，相反多啲雞肉食，唔錯😛。
鹿兒島黑豚蘆筍卷 $42
好食，黑豚啊黑豚，真係同平時食既豬肉唔同☺️。蘆筍好嫩，每一條大細都好似設計過咁樣，一啖一舊蘆筍卷啱啱好😌。
田樂燒豆腐 $28
豆腐表面應該有啲味噌，唔太咸，好食😙。真係做到外脆內滑，係滑到會sir落喉嚨，好彩我地攤凍左先食😂。
什錦天婦羅湯烏冬 $138
天婦羅炸得唔錯，款式好多🤟🏻。咬天婦羅時，表面炸漿同裏面嘅料唔會分離，唔會食到個天婦羅甩皮甩骨😌。烏冬有少許失色，如果彈牙啲就好啦。唔知係因為烏冬嘅本質唔彈牙定係煮耐左少少呢。
埋單$858（包加一）
Post
