JUST'er Bar & Restaurant

Open Now

Now Closed

今次意粉叫咗醬油風白汁三文魚扁意試下，醬汁非常creamy, 味道層次豐富，除咗普通白汁味之外會食到醬油嘅甜味，而醬油亦都帶出咗少少三文魚油嘅味道。牛油大蝦黑醋沙律，蝦幾彈牙，仲有青瓜，蕃茄係底。仲有碟豬仔骨配啤酒薯條，薯條好脆，豬仔骨好惹味，唔會好乾。飲品就叫咗菠蘿熱情果沙冰(少甜)同洋甘菊蜜糖茶配檸檬。菠蘿同熱情果味道配合得好好，要讚一讚嘅係佢哋嘅沙冰真係做到少甜效果，飲落唔會死甜又特顯到果汁嘅香味。洋甘菊蜜糖茶份量多到嚇親人，從來未試過叫熱飲係一大壺咁上，兩個人都真係飲唔哂。份量多之餘佢嘅味道都十分不錯，清新嘅感覺啱啱好中和咗西餐嘅油膩感。