响網上見到响特色嘅霓虹燈下享受美食，就揀咗呢間店，作為生日晚飯。店內面積比我想像中細好多，座位唔係好多，但叫做企理。其實我地都有咩idea要食啲乜，唯有請店員去介紹。店員推介「真門西淋牛豬仁雞 vs 蝦兵蟹將PRO」聽落唔錯咁，就點呢個試下。首先要嚟個啤啤濕下口先，話哂天氣都勁熱。佢個啤酒味以手工啤，但又冇手工啤果種麥味重，飲落去好舒服，好滑嘅感覺，特別適合炎熱嘅夏天。第一道上菜嘅菜式係「蒜香辣羅勒蜆肉蕃茄意粉」，望落去好辣咁，但味道係好香濃惹味，本身蕃茄醬已經開胃，加上辣粉更加一流。第二道菜式係「真門西淋牛豬仁雞 vs 蝦兵蟹將PRO」，視覺上的確好震撼，最吸睛嘅波士頓龍蝦🦞、豬仔骨、西冷牛扒、魚柳、燒春雞、炸軟殼蟹同薯條，完全係視覺同味覺嘅享受，唯獨係個西冷牛扒爭咁啲，有筋同比較靭。最後一道菜式係「水牛城雞翼」，係單骨雞翼，望落去又係好似好難，雞翼醃得非常惹味，而且炸得外脆肉嫩，呢道小食值得推薦。埋單一千多啲係平，但唯一唔好嘅地方，令我哋趕住走咁嘅係冷氣不足，邊食邊流汗，店員亦好無奈表示，冷氣開去最大。值得一讚嘅係店員好有耐心介紹合適我哋嘅菜式，而唔係隨意介紹，佢介紹嘅菜式我哋都好滿意。…Read More
