台灣ET鹽水雞 (Closed)

伊蛙大力推介，試試吧。鹽水雞？有緣係台中逢甲夜市見過，只係街邊陰暗巷仔外賣車仔檔。圈圈圈，大部份為水果類，還有大量抗養化又健康蔬果添喎，真係估您唔到，但在我食肉獸來講真的有點滴汗。虎背熊腰霸住三分二個櫃檯阻住我買野呀，又阻住老闆做生意，落完 order 就企埋一邊等啦 ﹗親眼觀摩老闆烹調過程，原來只係將雞及配菜撈埋一齊，淋上醬汁，再猛力狂兜，完成！石榴西芹鹽水雞小辣，石榴爽脆帶黏帶棉。西芹爽甜多汁無渣，味道清爽，降血糖降血壓。小辣對無辣不歡的我毫無作用，只不過添了點香料味。石榴蘿蔔西芹豬耳鹽水雞大麻辣，瘦雞非常合口味，最怕大肥雞脂肪一舊舊。髀肉滑、雞胸鞋，鹽味重。肉柱味好重，比辣味更強，顏色同味道都令我諗起上海舖怪味雞。