鼎王麻辣鍋 (金巴利道) (Closed)

開咗咁耐都未食過，今日終於一試。Lunch 湯底$68/位起，揀咗鴛鴦鍋$78/位。鴛鴦鍋係酸菜白肉鍋及麻辣鍋🌶️🍲好多酸菜切成幼條狀, 少量白玉；麻辣鍋揀咗小辣，辣味非常之香，而且鴨血豆腐無限添加，豆腐同鴨血都好正😍肉叫咗日本黑豚肩肉，估唔到份量有咁多，好多塊，幾抵食！豬唔會肥，啱晒鍾唔鍾意食肥嘅朋友。招牌手工三色滑，呢個一次可以試晒三款。蝦滑、蟹滑及瑤柱滑。蝦滑真係有原隻蝦喺入邊，所以好爽口。蟹滑鮮味突出。瑤柱滑有一絲絲瑤柱口感。麻辣湯底當然要叫蜂巢滷牛肚及粉條。出邊攞咗醬汁有腐乳醬汁點牛肚好正！粉條加埋鴨血自製麻辣寬粉，正！