Read full review
2021-06-09
0 views
今晚收工之後去咗鼎王麻辣鍋到食，本身冇諗住食呢間，但見周圍都有排等，得呢間唔洗點等就決定食呢間。一入到嚟，環境都唔差，係個冷氣有啲凍，諗住打邊爐應該會越坐越熱啦，就冇理到。咁我哋一坐底就有一個講廣東話唔鹹唔淡嘅女人招呼我哋，大約就係問我哋有冇嚟過呢間食嘢，我諗我就係聽到呢啲係真係比較清楚之外，其他都唔係好聽得明。主要就係問我哋要乜嘢湯底，但係個湯底得兩款，得酸同埋辣，咁我哋就揀咗酸啦同埋揀咗中酸嘅酸度。個湯底一嚟到，就聞到好大浸白醋嘅味，完全唔係靠酸菜煲出嚟嘅湯底，只係好似啲白醋唔使錢咁到晒落去，其實佢個湯底都唔平， 50幾蚊一個人，百幾蚊一個湯底，仲未計加一，但係佢竟然比一啲白醋我做湯底，已經對呢間野嘅感覺麻麻地。好啦，咁我哋本身有個甜品係普通一個撻嚟嘅，諗住問吓佢有冇得雪啦，佢就話切餅費$100雪嘅話要$50 ，咁我咪話咁唔使啦。轉個頭佢就同我講話佢記錯咗，雪唔使錢，咁我就梗係雪啦。都叫嘢食啦，佢啲嘢食都幾特別嘅，有個蟹滑，出面都未見過，我哋仲叫咗鵝腸同埋雞髀肉仲有豬肉，整體上食材都唔會話真係好差，算係中等啦。但係個蟹滑一食落個口，就覺得好多粉食咗落肚，一啲蟹肉都feel唔到⋯⋯到
一入到嚟，環境都唔差，係個冷氣有啲凍，諗住打邊爐應該會越坐越熱啦，就冇理到。
咁我哋一坐底就有一個講廣東話唔鹹唔淡嘅女人招呼我哋，大約就係問我哋有冇嚟過呢間食嘢，我諗我就係聽到呢啲係真係比較清楚之外，其他都唔係好聽得明。主要就係問我哋要乜嘢湯底，但係個湯底得兩款，得酸同埋辣，咁我哋就揀咗酸啦同埋揀咗中酸嘅酸度。
個湯底一嚟到，就聞到好大浸白醋嘅味，完全唔係靠酸菜煲出嚟嘅湯底，只係好似啲白醋唔使錢咁到晒落去，其實佢個湯底都唔平， 50幾蚊一個人，百幾蚊一個湯底，仲未計加一，但係佢竟然比一啲白醋我做湯底，已經對呢間野嘅感覺麻麻地。
好啦，咁我哋本身有個甜品係普通一個撻嚟嘅，諗住問吓佢有冇得雪啦，佢就話切餅費$100雪嘅話要$50 ，咁我咪話咁唔使啦。轉個頭佢就同我講話佢記錯咗，雪唔使錢，咁我就梗係雪啦。
都叫嘢食啦，佢啲嘢食都幾特別嘅，有個蟹滑，出面都未見過，我哋仲叫咗鵝腸同埋雞髀肉仲有豬肉，整體上食材都唔會話真係好差，算係中等啦。
但係個蟹滑一食落個口，就覺得好多粉食咗落肚，一啲蟹肉都feel唔到⋯⋯
到咗食晒所有嘢啦，我哋就諗住拎叫佢拎個甜品出嚟啦，之後我見佢又冇同我哋講唔可以喺度食，咁我哋咪順理成章喺度食囉，到我哋食到最後一啖先食晒嘅時候佢突然之間走埋嚟同我哋講：因為你喺度食所以我哋要收返$100切餅費。。。？？？？？你唔好等我消化完先講？我唔介意你收我錢，你係咪好應該係個客食之前同佢講一聲呢？而唔係佢就嚟食完你先同佢講要收錢！
總括而言，呢間野嘅職員同埋嘢食嘅質素都唔會話特別好，我哋兩個人，食咗三款嘢食同埋一個嘢飲再加埋切餅費都六百幾蚊，仲要話唔係特別豐富，唔間野好自然咁去咗我黑名單！
Post
