130
6
4
4-min walk from Exit B2, Tsim Sha Tsui / East Tsim Sha Tsui MTR Station continue reading
Telephone
26698896
Opening Hours
Today
11:00 - 02:00
Mon - Sun
11:00 - 02:00
Payment Methods
Visa Master Cash AE UnionPay
Other Info
Wi-Fi
Open Till Late
Alcoholic Drinks
May Bring Your Own Wine Details
Cake-cutting Details
Delivery
10% Service Charge
Review (156)
Level4 2020-03-26
5370 views
疫情期間,應該減少外出聚餐,不過兩個人就算唔出街食都會一齊食咖啦,唔好一大班人同唔好去太迫人既地方食都應該安全既,所以今日我地去左尖沙咀呢間鼎王麻辣鍋食個late lunch。午飯時間都避埋,應該安全啦!不過其實我想講大家一啲都唔需要擔心,因為呢間鼎王麻辣鍋既職員既衛生防護措施真係做得好足!首先,去到門口,職員會幫我地量體溫,然後再用酒精搓手液搓手。入到去坐低之後,職員會俾張印有鼎王麻辣鍋既褶紙俾我地包住個口罩,放好口罩之後,佢地又再會拎埋支酒精搓手液俾我地再搓手。到佢地講解完點用部ipad點菜後,佢地會係我地面前消毒部ipad,令人感到佢地真係嚴謹到一個點。餐牌方面選擇貴精不貴多,每個種類有啲野㨂,個人覺得可以接受,始終黎得呢度食就係想重質素,想食湯底同靚野食多過有一大堆選擇但樣樣都普普通通。所以選擇相對地比出面火鍋店少亦都係十分合理。湯底有三個選擇,酸菜白肉、麻辣或者鴛鴦鍋,好明顯係一定會叫鴛鴦鍋,而個鍋本身仲可以俾我地㨂酸度、辣度、少油等等。起初我地㨂左小酸小辣少油,食落覺得唔夠力度,好彩醉同辣都可以之後再加番。個人覺得酸菜白肉要起碼中酸先夠,而麻辣就因人而異,我覺得如果你係有食下辣野但又唔敢話人知你食得辣既,就可以由中辣開始。湯底白肉不能任添,酸菜同鴨血就可以任添。首先講下個上選牛小排。上菜賣相好整齊,食落牛味重,唔錯唔錯,但因為湯底味較濃,靚牛我覺得最好用酸菜白肉個邊煮,煮完唔好點醬油食,牛味係最突出。五花去骨鮮牛都出乎意料地ok。當然,一定係一分錢一分貨,牛味點都無上選牛小排咁重,牛肉紋理都無咁靚,但唔會係出去食超平任食火鍋個種食落無味既牛,我覺得從性格比黎睇呢個係不錯既選擇。滷水項其實有幾個選擇,不過我地只係㨂左呢個滷蜂巢牛肚。滷水味道適中,入味,唔會太咸,牛肚爽口彈牙,正常表現。放入麻辣鍋煮下再食更正。海鮮方面我地只係叫左桂花蚌。海鮮都新鮮,正正常常,好味既,不過無大驚喜。呢個一品蟹滑膏就十分ok!蟹滑在一般店舖好少見,食落有蟹味,值得一試。兩個人食黎講我覺得係叫多左少少,我地食量中等偏大食,大家如果係細食就自己就住叫喇,不過我地都食得晒咖,無做大嘥鬼。醬料方面極之簡潔,好明顯係對湯底同食材極有信心。呢個我認同既,因為我都無乜點點醬料。有分麻辣沾醬同酸菜沾醬(即係腐乳),再加啲香菜(即係芫茜)同蔥。另外如果想食飯,呢度白飯係任添的,飯煲放左係醬料區。值得一提,平時啲舖頭醬料區係無遮無掩,但呢度係全部都有蓋,而且都好乾淨,整齊企理。餐桌非常闊落,亦有公共餐具使用,十分整潔衛生。餐桌仲有usb頭可供叉電,如果無帶線仲可以問職員借。服務方面我覺得係好到嚇親,太有禮貌令人感到有點不好意思,講解場地十分清楚,介紹食品煮食時間和食法也很細心,仲提我地用筷子夾鴨血有機會夾斷彈到自己添!佢地仲超主動加鴨血加酸菜,我地細細聲講唔夠辣同酸時,個姐姐可能估到我地講緊乜,就立即飄過黎問使唔使加辣加酸!十分體貼!到埋左單出門外,佢地仲有啲僻味既噴霧俾你噴下。呢個年代係好少可有咁優服務質素既餐廳!十個讚!最後打邊爐梗係唔少得啤酒啦,整番杯Suntory draft stout先~ continue reading
(The above review is the personal opinion of a user which does not represent OpenRice's point of view.)
Level4 2020-03-26
2764 views
正值肺炎疫情嚴峻時期,餐廳的抗疫措施都做得不錯。例如提供信封用來暫存口罩,餐前要用酒精搓手液搓手等。店員更會用酒精將平板電腦消毒,才交給客人下單。已經鼎鼎有名的鼎王麻辣火鍋,在台灣都吃過幾次,既然在香港開分店,絕對是慕名而來的。最喜出望外是連有禮貌到令人不好意思的店員,也搬到來香港。座位另一邊有調味區,還有白飯任裝。茶芥不收費,火鍋湯底就按人頭計,當中的湯和材料都是任加的,包括鴨血和酸菜。不用多想,來個鴛鴦鍋是必須的。麻辣鍋味道香濃,煮過的食物都很入味,不需要再調味,鴨血滑不溜口,能夠任吃實在太好了。酸菜鍋很清新,酸菜開胃,白肉也吸收了湯的酸味。老油條很值得推薦,原本已經炸至金黃,浸1秒再吃就已經吸滿了湯汁,外層又能保持金香鬆脆,在其他火鍋店比較少見,來到鼎王一試無妨。特級牛肉肉質鮮美,超微量脂肪,就算是薄切也會有一點肉感,燙個5-6秒就可以吃了,酸菜湯底能帶出其鮮味,麻辣湯底則使其更惹味。日本黑豚肩肉切得比牛肉薄一點,燙久一點吃也不失嫩滑,肩肉本來就比較瘦,吃上去有少許爽滑,兩邊湯底也很入味,不用再加任何醬汁調味。一品蟹滑膏,蝦滑墨魚滑見得多,蟹滑還是很罕見,由它放在湯中吸收湯汁,吃的時候非常入味,反正煮耐了還是一樣嫩滑彈牙。珊瑚蚌,又一罕見火鍋料,可以說是最最爽脆彈牙的一味,獨特的結構令湯汁掛在肉上,口感一流。稻庭烏冬是用來吸湯的必備食材,煙韌的口感中又帶點軟滑,涮一涮已經吸收好湯汁。低糖蜂蜜茉莉茶,果然沒有用太多糖,茉莉清香降火,很適合調解火鍋的濃味。 continue reading
(The above review is the personal opinion of a user which does not represent OpenRice's point of view.)
一向聽唔少人大讚鼎王,但又未喺台灣食到,而家喺香港終於食到啦!1. 鴛鴦湯底(麻辣:小辣+酸菜)($68/每位)嚟鼎王打邊爐,大家都落力推薦麻辣鍋同酸菜鍋,除左麻辣夠香辣之餘🌶,豆腐同鴨血係無限添加,酸菜鍋嘅酸菜同樣可以無限添加,呢度仲有白飯任裝🍚,以上嘅配料用嚟送飯就一流啦!彤樂評分:9/10·2. 五花去骨鮮牛($188)呢走牛味較濃,份量又大,一啲都唔韌彤樂評分:7.5/10·3. 特級牛肉($178)呢款真係好睇時間,淥得啱啱好先好食,肥膏,食牛鮮味為主彤樂評分:7/10·4. 豬腩肉($68)呢款豬肉CP值好高,相比牛,我更鍾意食豬,肥瘦啱啱好,又出豬味😋彤樂評分:8.5/10·5. 蛋餃($78)呢個又係鼎王必點,入面加左有油香嘅豬肉餡,連蛋皮一齊食好夾彤樂評分:9/10·6. 蝦滑($98)雖然幾貴吓,但真心要叫一次,唔只爽滑彈牙,仲好濃鮮蝦味彤樂評分:9/10·7. 滷蜂巢牛肚($98)可以就咁食,但我覺得放麻辣鍋淥一陣,更多一層味道👍🏻彤樂評分:8/10·8. 枸杞菊花露($98)🌼🍹真係好清甜,配火鍋食,鮮辣熱氣一流呀彤樂評分:8.5/10 continue reading
(The above review is the personal opinion of a user which does not represent OpenRice's point of view.)
Level4 2020-01-17
1635 views
鼎王麻辣鍋尖沙咀金巴利道26號地下5號舖<鼎王麻辣鍋>係我每次去台灣必定要食嘅火鍋,知道上年11月頭黎左香港係尖沙咀開左分店,但一直未有機會黎幫襯,今日終於都可以黎試下啦,朋友一早打電話黎留左位,所以夠鐘黎到已經可以即時入座呢到既座位好闊落感覺好舒適,成間鋪頭既感覺同係台灣分店既風格完全一樣, 最緊要就係連啲侍應嘅服務態度都係一樣咁好,抵讚一坐低店員已經好熱情,介紹我地選擇湯底,點用ipad落單,白飯醬料既位置,紙巾牙籤擺邊等等。。。非常細心我地最後揀左鴛鴦鍋,$68/位,提一提大家鍋底係按人頭計既,係火鍋既期間鍋底入面既鴨血,豆腐仲有酸菜係可以不停refill架我自己就最推介店入面既鴨血,好有口感,我地起碼refill左4次除左鍋底之外之外,餐廳既其他火鍋配料都好出色,特別係珊瑚蚌同埋元貝,非常新鮮肉類方面都好有質素,水準一流呢個鹵大腸頭都係必試系列,本身已經好正,鹵得好入味,但如果食既時候想熱d, 可以放落鍋到浸一浸再食,效果都係咁好唔講唔知,原來呢到係開到凌晨4點,以後幾夜都唔驚無得打邊爐啦,而且地點又咁方便,係正尖沙咀金巴利道,一定會再黎 encore continue reading
(The above review is the personal opinion of a user which does not represent OpenRice's point of view.)
Level4 2020-01-10
3080 views
上次去台灣,因為行程問題去唔到食鼎王,確實有點遺憾,當知道香港開左鼎王,仲唔同朋友仔去試。因為想避過人潮,我們選了閒日下午時間去,選擇是正確的,不需要排隊直入的感覺真好。這裡裝潢及擺設很古色古香, 餐廳座位超寬敞的, 完全沒有壓迫感。電子菜單,唔需要每次舉手叫人落單,方便快捷。挑了紅白兩款湯底,紅湯是麻辣鍋,湯頭濃郁鮮味,也帶有麻辣的辛辣刺激感,大家可以按自己接受辣的程度要求大、中、小辣。麻辣鍋鍋底配料也十分足料, 麻辣鍋內有鴨血和豆腐.豆腐很嫩滑,鴨血口感柔韌, 咬落一樣QQ彈彈的,而且沒有腥味,同台灣食的鴨血相同質感。而且豆腐和鴨血都可以無限refill,可以食過夠。白湯是酸菜白肉鍋,酸味極濃郁,味道十分佳. 酸的程度也可以選擇,喜歡吃酸的朋友一定會很愛。酸菜白肉鍋有大量酸菜及豬肉片,湯底鮮甜,,而且更加入了薯粉絲,薯粉煮耐了盡吸酸菜的味道,十分好味道.。酸菜白肉鍋可以無限refill酸菜。調味枱有兩款醬汁選擇,仲有白飯供應。 我喜歡白飯配鴨血食,好適合我這種愛米飯的人。老油條是火鍋良伴,只需要浸一浸,就可以吸盡湯內精華,很建議下單一份。這個手打蝦滑,外相沒有什麼特別,但口感卻十分彈牙,蝦肉味道鮮味,就算落於麻辣鍋內,完全沒有被麻辣蓋過。這個大腸頭是事先已經滷過,味道已經唔錯,食的時候只需要輕輕一淥就食得。味道是可以的,不過女士們覺我真係有點肥,多食幾塊已經爆卡路里。上選牛小排是必叫的item,雪花分佈平均,入口牛肉味濃,肉質軟稔,更有牛的油脂甘香味。 continue reading
(The above review is the personal opinion of a user which does not represent OpenRice's point of view.)