莆田 (The L Place)

Open Now

Now Closed

餐廳主打福建菜，最近做緊鰻魚節，主推六款煮法嘅鰻魚，包括蒜蓉豆豉蒸鰻魚、福建特色紅糟鰻、黃金脆皮鰻魚尾、黑金蒜燒鰻魚、山泉水煮活鰻魚同普寧豆醬焗鰻魚，蒸、醃、炸、燒、煮、焗，鍾意食鰻魚嘅，千祈唔好錯過啦🥰新推菜式有黃金脆皮鰻魚尾，八大塊，金黃酥脆，鰻魚尾部活動量大，肉質更加緊實有嚼勁，搭配檸檬片，食前擠一擠，大大降低油膩感。酒香竹筒蝦，賣相一流，用當歸老酒煨活蝦，蝦肉嫩彈，吸滿精華，湯底鮮甜，令人一試難忘。進店必點百秒黃花魚，聲稱係革命性嘅突破，因為只用100秒蒸熟一條魚。黃花魚來自寧德，肉質鮮嫩肥美，原汁原味。私心推介椒鹽豬手，以8小時繁復烹調而成，外酥內嫩，滿滿骨膠原。黃金荷葉包酥脆可口，夾住肉絲條增添口感。