Video
Read full review
2022-10-11
18 views
平時成日係尖沙咀地鐵站附近食飯，今次行遠少少，係酒吧街諾士佛台行到盡頭，黎到可以話係全尖沙咀最幽靜嘅一處🤫餐廳門口配上射燈非常華麗，一開門有個迷你嘅日式小庭園同一條長長既樓梯，好似去咗另一個國度，令人完全忘卻左繁囂嘅感覺，可以平靜內心準備一場燒鳥晚宴😈餐廳主打日本雞串燒，無花巧既擺碟、亦冇各式各樣既調味，大部份串燒都係以簡單樸素嘅鹽燒手法，食出日本雞嘅鮮味🐔呢間燒鳥餐廳既菜單可以話係非常刁鑽，選用日本華味鳥同阿波尾雞，除了一般常見既雞腿肉、雞肝、雞腎、雞軟骨、雞翼，仲有好少食到既提燈、雞腳跟、雞軟肉、雞冠等等😨由頭食到落尾，起碼超過十五種部位‼️而雞以外既串燒選擇亦非常多，豬牛海鮮都各有不少款式，不過餐廳規定如無特別標明既串燒都需要兩串起叫🫣—《 #雞皮紫蘇蝦卷》$48/串 ⭐⭐⭐⭐串上原隻大蝦，再用雞皮包裹住紫蘇葉同蝦，紫蘇葉獨特既香氣為串燒味道更昇華😻一咬落去係雞皮既香脆，散發出雞油同紫蘇葉既香氣，中間就係蝦肉既爽勁，多重味道與口感，相當不錯👍🏼—《 #鳥腳跟》$48/串 ⭐⭐💥黎到必須要一試啲較為刁鑽既燒鳥，所以就點咗依個少見既鳥腳跟，細緻到係將雞腳既跟位切割出黎🤏🏼但雖有鹽燒令串
平時成日係尖沙咀地鐵站附近食飯，今次行遠少少，係酒吧街諾士佛台行到盡頭，黎到可以話係全尖沙咀最幽靜嘅一處🤫餐廳門口配上射燈非常華麗，一開門有個迷你嘅日式小庭園同一條長長既樓梯，好似去咗另一個國度，令人完全忘卻左繁囂嘅感覺，可以平靜內心準備一場燒鳥晚宴😈
餐廳主打日本雞串燒，無花巧既擺碟、亦冇各式各樣既調味，大部份串燒都係以簡單樸素嘅鹽燒手法，食出日本雞嘅鮮味🐔呢間燒鳥餐廳既菜單可以話係非常刁鑽，選用日本華味鳥同阿波尾雞，除了一般常見既雞腿肉、雞肝、雞腎、雞軟骨、雞翼，仲有好少食到既提燈、雞腳跟、雞軟肉、雞冠等等😨由頭食到落尾，起碼超過十五種部位‼️而雞以外既串燒選擇亦非常多，豬牛海鮮都各有不少款式，不過餐廳規定如無特別標明既串燒都需要兩串起叫🫣
—
《 #雞皮紫蘇蝦卷》$48/串 ⭐⭐⭐⭐
串上原隻大蝦，再用雞皮包裹住紫蘇葉同蝦，紫蘇葉獨特既香氣為串燒味道更昇華😻一咬落去係雞皮既香脆，散發出雞油同紫蘇葉既香氣，中間就係蝦肉既爽勁，多重味道與口感，相當不錯👍🏼
—
《 #鳥腳跟》$48/串 ⭐⭐💥
黎到必須要一試啲較為刁鑽既燒鳥，所以就點咗依個少見既鳥腳跟，細緻到係將雞腳既跟位切割出黎🤏🏼但雖有鹽燒令串燒更香口，可惜口感頗硬及乾身😿
—
《 #雞軟肉》$48/串 ⭐⭐⭐💥
唔抗拒雞屁股既都可以試下叫依串雞軟肉，肉質相當肥嫩，屁股係成隻雞脂肪含量最高既地方，所以食落油香爆棚😝
—
《#蔥雞》$38/串 ⭐⭐⭐💥
唯一一個醬燒既燒鳥，燒汁既甜味減低咗大蔥嘅辛辣味😏大蔥與雞腿肉相間串起，令人食完一口就會期待下一口味道🤓而且雞肉同大蔥既味道係燒既時候夾雜到對方身上，令兩者味道都更滋味🥰
—
《 #燒白鱔》$68/串 ⭐⭐⭐⭐️⭐️
每次去到串燒店都一定會叫燒白鱔，因為冇一種烹調方法比炭火串燒更能突顯白鱔嘅皮脆肉彈🥹呢度完全做到想像中既效果，外皮燒得焦香，而魚肉生熟度一流以鎖實所有肉汁💯
—
《 #荔枝豬肉卷》$32/串 ⭐⭐⭐⭐️💥
同樣地火候控制得好好，荔枝肉既果汁完全包裹係半肥瘦嘅豬肉片入面😍呢個厚度嘅豬肉片先可以做到豬肉熟透後仍然保留到荔枝汁係入面冇蒸乾，味道上咸甜互相抗衡，油香十足但亦有荔枝解膩👹
—
《#紐西蘭羊架》$78 ⭐⭐⭐⭐
羊架肥瘦適中，睇得出廚師有處理過食材，燒之前有將多餘嘅脂肪切除，令口感更佳😺火喉拿捏得剛好，面頭燒得焦脆，而又保留到肉汁，香而不羶🫶🏻
—
《#封門柳飯》$98 ⭐⭐⭐
封門柳燒至半熟，中間仍可見到粉嫩既紅色，頭尾既牛肉有少少韌但中間就好軟腍，肉味濃郁🥩底下配上珍珠米飯，可惜燒肉醬汁偏少，食到後來就覺得有啲乾🤧
Post
