中華滙館 (Closed)

地方一啲都唔難搵，今次經朋友介紹呢間餐廳食過晚飯，諗住都係一般中菜館都唔好太大嘅期望。點知一推開門，就發現原來別有洞天，餐廳入面嘅環境格局都非常之優雅寧靜，而且唔好睇佢好似環境細細，其實入面仲有啲房，方便食客包場或者一大班人嚟食嘅！唔講咁多即刻分享下佢哋嘅食物啦左起❤️❤️脆炸九肚魚，金磚豆腐 同 鹿兒島茶美豚叉燒。 我幾鍾意佢哋嘅炸物，炸得夠香脆可口，一啲都唔油膩。特別係個金磚豆腐，食落去非常之軟滑，而佢哋嘅叉燒係用咗鹿兒島嘅豬，所以食落去比較有口能。而且唔好鹹甜甜地幾好味🤤脆香羊肚菌琵琶豆腐， 淡淡嘅羊肚菌味， 加上軟滑嘅豆腐同香脆嘅外表🤤🤤🤤呢個就唔記得咗叫咩名😭但係佢係炸蟹殼，蟹殼入面充滿著滿滿嘅蟹肉😌😌呢個炸鱈魚，上面鋪咗啲炸蒜，而且食落去有少量嘅魚油，都幾juicy❤️金貝雞絲炒米粉，江瑤柱好似唔使錢咁，鋪滿成米粉上面，而且米粉亦都唔會太過干或濕，兩個人食啱啱好😌鍾意辣嘅朋友可以問佢哋攞碟辣椒油㗎，不過留意都真係幾辣㗎😂呢個馬拉糕真係好好食呀夠曬鬆軟❤️而呢幾款甜品入面都各有佢哋嘅特色，薑汁湯圓個粒紅棗大大粒夠曬清甜，配上皮薄餡靚嘅芝麻湯圓，好好味呀！不過兩粒有啲小😂杏仁蛋白非常之