Video
Read full review
2019-11-30
45 views
四季．良晨咁啱係寶琳探朋友，無意中見到呢個鋪頭排曬長龍，好奇心驅使下就決定入去試下！雖然鋪頭唔算大，但裝修都幾特別，幾有台灣嘅風味！見到咁多款式俾我地揀，我地都忍唔住叫咗好多樣嘢食！麻辣紅燒腱心牛肉麵基本湯底加上辣油，估唔到辣油都舖重麻，唔會只係得辣味，正！腱心牛肉嘅厚度好合適，所以入口夠哂淋🤤養生清燉牛腩麵呢個牛腩麵真係「麵」如其名，本身未食之前已經聞到好香嘅牛腩味，當中又夾雜左一啲藥材嘅味道，令到牛腩麵濃味得黎又唔會好膩；麵嘅份量都好大，我朋友本身大食底都表示「飽到上心口」。蕃茄濃湯水餃 ( 4隻 )本身蕃茄湯已經好好飲，唔會話好甜或者好酸，又有啲蕃茄嘅肉粒係入面，成個湯都充滿天然蕃茄嘅味道；水餃都好多肉同菜係入面，雖然水餃入面都有自己嘅湯汁，但出奇地又同蕃茄湯夾。古早味滷水拼盤呢個拼盤除左有腱心牛肉、牛肚之外，仲有雞翼同埋雞蛋，份量十足之餘，啲肉都好入味之餘，亦唔會好濃味過頭，啱曬我呢啲「肉食控」上湯時菜小棠菜本身就好夾用上湯嘅方式制作，而好多時除左考慮個湯底，菜本身嘅質素都好重要。佢呢個菜就做得剛剛好：菜又唔會手特飲: 桂花生薑荼&蜂蜜檸檬蘆薈桂花生薑荼好特別：除左有濃濃薑味之
咁啱係寶琳探朋友，無意中見到呢個鋪頭排曬長龍，好奇心驅使下就決定入去試下！雖然鋪頭唔算大，但裝修都幾特別，幾有台灣嘅風味！見到咁多款式俾我地揀，我地都忍唔住叫咗好多樣嘢食！
麻辣紅燒腱心牛肉麵
基本湯底加上辣油，估唔到辣油都舖重麻，唔會只係得辣味，正！腱心牛肉嘅厚度好合適，所以入口夠哂淋🤤
養生清燉牛腩麵
呢個牛腩麵真係「麵」如其名，本身未食之前已經聞到好香嘅牛腩味，當中又夾雜左一啲藥材嘅味道，令到牛腩麵濃味得黎又唔會好膩；麵嘅份量都好大，我朋友本身大食底都表示「飽到上心口」。
蕃茄濃湯水餃 ( 4隻 )
本身蕃茄湯已經好好飲，唔會話好甜或者好酸，又有啲蕃茄嘅肉粒係入面，成個湯都充滿天然蕃茄嘅味道；水餃都好多肉同菜係入面，雖然水餃入面都有自己嘅湯汁，但出奇地又同蕃茄湯夾。
古早味滷水拼盤
呢個拼盤除左有腱心牛肉、牛肚之外，仲有雞翼同埋雞蛋，份量十足之餘，啲肉都好入味之餘，亦唔會好濃味過頭，啱曬我呢啲「肉食控」
上湯時菜
小棠菜本身就好夾用上湯嘅方式制作，而好多時除左考慮個湯底，菜本身嘅質素都好重要。佢呢個菜就做得剛剛好：菜又唔會手
特飲: 桂花生薑荼&蜂蜜檸檬蘆薈
桂花生薑荼好特別：除左有濃濃薑味之外，又會有少少桂花嘅淡香，特別適合係食完飯飲！蜂蜜檸檬嘅比例唔錯，唔會過酸或過甜！
整體黎講，我地所食嘅台灣菜式都好啱我地香港人去食，保留到原有風味之餘，又可以相對健康咁去食，下次我都再帶朋友去食先!
Post
