Video
Read full review
2021-07-12
39 views
因為疫情關係，本身同朋友既歐遊都要取消。咁無辦法啦，唯有係香港搵下啲西班牙餐廳當去左啦！同事就推介左我去Tapa room，咁岩同朋友過開海就黎試下先，地方唔難搵，係銅鑼灣地鐵站行5分鐘左右就到。哇一去到門口，我地都要猶豫咗一陣有冇去錯地方，因為成個feel 好外國呀！ 坐底量緣完體溫寫完紙仔就即刻嗌嘢食啦！天氣咁熱叫左凍盤先涼一涼先，我地就叫左棒棒鵝肝同一個灸燒吞拿魚。棒棒鵝肝係啲鵝肝醬Mix埋一齊再搓成一個棒棒糖咁嘅樣，食落鹹鹹地口感幾得意，不過都係少食多滋味，太多就會有啲滯，食唔落其他嘢㗎啦，所以同朋友分享就最好啦！吞拿魚食落係有少少辣辣地，半生熟令到個吞拿魚口感更佳，連埋啲沙律菜食超有夏天嘅感覺！ 一流！ ！小食我地仲叫左個西班牙蛋餅。呢個西班牙蛋餅係一啲連埋薯仔加蛋焗成嘅一個批，食落感覺好實在！黑毛豬火腿球原本我哋以為係一粒粒嘅肉球，點知嚟到係一條條類似芝士條既炸物，咬咗一啖入邊有啲火腿粒粒同埋一啲類似忌廉汁，脆口野送酒飲就岩哂！為咗配合呢個西班牙嘅vibe 我就叫左red sangria 朋友就叫左m-G&t。 red sangria 甜甜地，岩哂我地女仔飲易入口，唔錯！朋
哇一去到門口，我地都要猶豫咗一陣有冇去錯地方，因為成個feel 好外國呀！
坐底量緣完體溫寫完紙仔就即刻嗌嘢食啦！天氣咁熱叫左凍盤先涼一涼先，我地就叫左棒棒鵝肝同一個灸燒吞拿魚。
棒棒鵝肝係啲鵝肝醬Mix埋一齊再搓成一個棒棒糖咁嘅樣，食落鹹鹹地口感幾得意，不過都係少食多滋味，太多就會有啲滯，食唔落其他嘢㗎啦，所以同朋友分享就最好啦！
吞拿魚食落係有少少辣辣地，半生熟令到個吞拿魚口感更佳，連埋啲沙律菜食超有夏天嘅感覺！ 一流！ ！
小食我地仲叫左個西班牙蛋餅。
呢個西班牙蛋餅係一啲連埋薯仔加蛋焗成嘅一個批，食落感覺好實在！
黑毛豬火腿球
原本我哋以為係一粒粒嘅肉球，點知嚟到係一條條類似芝士條既炸物，咬咗一啖入邊有啲火腿粒粒同埋一啲類似忌廉汁，脆口野送酒飲就岩哂！
為咗配合呢個西班牙嘅vibe 我就叫左red sangria 朋友就叫左m-G&t。
red sangria 甜甜地，岩哂我地女仔飲易入口，唔錯！朋友個杯我試左啖，係青瓜加薄荷飲落好Refreshing！ ！
食完唔夠喉我哋最後都嗌多咗一個西班牙豬胺。
落單嘅時候侍應都有提我地豬胺係大概八成熟，問我地ok嗎？我覺得餐廳好貼心因為有啲人真係唔食太生嘅豬肉，但我哋係好食就得嘅心態就叫咗。嚟到八成熟係燒到啱啱好 仲好大舊好juicy！下邊仲有啲薯仔，所以唔使驚食完會仲好肚餓！
最後黎到西班牙餐廳點可以唔食西班牙油炸鬼churro🥰
我每次去迪士尼都會買一條黎食，上枱嘅時候熱辣辣，隔離仲有朱古力醬俾你點鍾意嘅可以點埋一齊食，唔點嘅都已經好夠玉桂味啦！咁就過咗一個完美嘅brunch 食飽就去行街消化下啦！
Post
