高流灣海鮮火鍋 (Moved) New Location

「打邊爐最重要係個湯底」呢句一啲都無錯。揀咗個海鮮湯底，雖然圖文（餐牌）有啲分別，但依然有蝦、蟹、蜆等，重要係魚湯底，好香濃，打邊爐一流。選料都係唔錯，首推四色餃，當中九菜餃係至愛，夠香味，菜多肉少，一粒餃啲料飽飽滿滿，其次鳳城水餃都夠味！叫咗碟尤魚，新鮮嘅感覺彈牙，重點係放咗喺湯度好耐都唔會靭，驚喜！本土手切肥牛個價錢真有霸氣，肥牛肥瘦比例亦夠均勻，忍唔住食完一塊又一塊。最後有四色丸，麻麻地無咩特別，不試都可。