磯野水產

Open Now

Now Closed

Blue monday 收工約埋同事食好野，唔想食咁多肉，周圍睇下有咩日本野好食。 磯野水產以裝修風格似日式居酒屋，餐廳浜燒為招徠，以新鮮水產海產，活捉浜燒，燒烤嘅香氣滿佈整個餐廳。叫店員推介野食，店員拎咗五六款海鮮全部都係新鮮運到。最後我哋揀咗龍蝦、大蝦、扇貝、聖子同貴妃蚌，煮法就由店員幫我哋發板。首先係個龍蝦刺身，真係好新鮮好彈牙，蝦肉有少少鮮甜。貴妃蚌同扇貝用清酒汁煮，完全冇落調味，帶少少海水嘅鹹香。大蝦同蟶子就用炭燒， 燒烤香氣四溢，蟶子唔會燒得過火，肉質鮮嫩。最後，我哋叫咗個牛小排同海膽炒飯結尾。 不得不提佢個海膽炒飯真係好夠鑊氣，粒粒炒至金香，每人都食咗兩大碗。食完個飯真係好滿足，聽日又可以努力返工。