至尊滿屋日本料理 (Closed)

日式放題雖然食品種類大同小異，但品質總可以分出高低，至尊滿屋日式放題以價錢品質嚟講可算中上。至尊滿屋依家做緊推廣，晚市放題85折，另兩位起喺FB打卡有免費食品贈送。食放題先叫刺身是常識吧！三文魚、吞拿魚、油甘魚全部厚切，口感肥嘟嘟好有質感，赤身比一般放題貨色較佳，不至於太瘦入口較滑。赤貝切得很大塊入口鮮甜爽脆。甜蝦赤蝦食味雖比不上牡丹蝦但亦爽口中帶綿滑，赤蝦體型碩大，好有睇頭。免費贈送的半板海膽質素不俗，入口鮮甜亳無腥味。黑松露油甘魚壽司同黑松露牡丹蝦壽司中的一小撮黑松露已經能夠提升食味，黑松露的幽香無法令人抗拒。火炙左口魚背壽司同火炙原條海鰻壽司另人驚喜，左口魚背魚油雖不多但火炙後入口嫩滑帶微微焦香味，原條海鰻比鰻魚略瘦，入口不會滿口肥油，而且肉質較細嫩。海膽手卷食味不錯，最敗筆係紫菜已變腍。卷物紫菜就脆口得多，味道正常。鹽燒雞翼皮脆肉滑又多汁。鹽燒海蝦帶有燒過後的香味，肉質唔乾燒得啱啱好。燒有機日本番薯仔粉腍甜口，一口一粒。燒有機鮮菠蘿非常熱辣燙口，一咬之下滿口菠蘿汁，多汁清甜，當作飯後果最佳。雪糕可揀Haagen Dazs或Movenpick，士多啤梨帶少少酸味好清新而Panna