559
36
59
Exit E2, Mong Kok MTR Station, Exit B, Mong Kok East MTR Station continue reading
All Branches (4)
Telephone
36222688
36222323
Opening Hours
Today
12:00 - 15:00
18:00 - 23:15
Mon - Sun
12:00 - 15:00
18:00 - 23:15
Payment Methods
Visa Master Cash
Number of Seats
300
Other Info
Online Reservation
Wi-Fi
Alcoholic Drinks
May Bring Your Own Wine
Reward Dining Points
Delivery
10% Service Charge
About Reward Scheme
Review (712)
Level4 2019-10-31
44 views
好耐都冇食過放題了,見今日交通情況都許可下,就去左旺角食放題,今次我地就去左瓊華中心到食,一如以往,好多姐姐係樓下派傳單,有好多食物選擇,有邊爐放題,也有日本料理放題,最後我地揀左至尊滿屋放題~是日收費: $218加1,任飲任食2小時門口有餐牌show左出來,都幾多野食,好吸引仲以為今日係閒日會小d人,點知都好多人下😮雪櫃都幾多飲品,另外仲有熱茶、柚子蜜 、薑蜜和其它特飲~放題Mode啟動好興奮呀,鐘意食咩就食咩,呢個就係放題既樂趣🤘先來個刺身先,我地叫左大赤蝦、甜蝦和帶子~刺身好鮮甜冰涼,再點埋豉油wasabi 食🤤北海道焗廣島蠔好香沙律醬和千島醬味,廣島蠔好肥美吉品鮑汁燴花膠盛宴呢個比想像中好食,起初仲以為佢會好咸,因為見佢都幾多汁,但食落就剛好,唔會太咸花膠完全係索晒鮑魚汁既味道,好淋身,淋得來又有個種"張住張住"既咬感,感覺好重骨膠原咁~牛肉火鍋呢個係我既大愛,因為佢係壽喜燒湯底,甜甜地,好好味牛肉鍋入面有娃娃菜、金菇、豆腐、牛肉、雞蛋和芋絲,夠晒豐富佢地仲有其它多壽司同炸物可以食~甜品除左有蛋糕和生果外,仲會有埋雪糕,但雪糕就不是任食,只限每人一杯~雪糕我地就揀左Movebpick雲呢拿味和Dreyers既紅豆味🤠2個鐘真係食到飽,大滿足的一個晚上😛🤘 continue reading
(The above review is the personal opinion of a user which does not represent OpenRice's point of view.)
忙左成日連lunch都冇時間食, 今晚放工太肚餓就同妹妹去食放題, 妹妹book左之前食過而印象唔錯既至尊滿屋。入座起計任飲任食2小時, 野飲、甜品設自助區, 其他野食就Click order紙落單~二人檯座位比較迫, 檯面積亦都好細, 想一次過order勁多野食放檯面就有d難度....野飲以罐裝為主, 更提供餐廳自調特飲....刺身款式多, 而且均為厚切, 每次點既刺身都有冰墊底keep溫度~三文魚雖不是魚腩位, 但質地唔係煤果種; 大烏貝幾爽, 甜蝦鮮甜唔腥, 油甘魚邊位帶爽, 不過吞拿魚質素一般~壽司款式都幾多, 軍艦、手卷即叫即包, 上檯時, 紫菜都keep到脆,火灸壽司, 係表面微微燒過, 入口微暖兼有些少魚油香白松露中拖羅壽司值得一試! 拖羅魚油雖不算澎湃, 但魚質滑。每件壽司都細細件, 試多幾款都冇問題.....冷盤有沙律、螺肉、8爪魚天婦羅蝦即炸, 炸皮不油膩, 鬆脆, 隻蝦都幾爽 串燒蝦幾大隻, 唔痴殼, 都幾鮮甜彈牙, 唔會燒得太乾燒菠蘿juicy清甜咖哩蟹: 咖哩辣辣地幾惹味, 不過order蟹好睇彩數, 第一rounf order, 蟹肉札實, 但再encorn第二round, 似乎係死蟹, 肉質煤煤地...牛油粟米, 牛油味好足, 幾香炸物亦做得唔錯, 炸得金黃而不油膩, 特別係榴槤炸彈, 內裡仲流心...有陣陣榴槤香, 甜甜地炸蟹蓋表面香口, 內裡好似薯蓉口感, 幾鮮甜...甜品方面設自助區, 有小糕點、生果同埋獨立包裝豆腐花, Last order後每人可以揀Haagen-Dazs/Movenpick雪糕一杯平日既餐廳都全場爆滿, 建議預先book位, 二人座位比較迫, 但食物質素算係唔錯, 而且幸運地全晚冇漏單, 店員服務都很主動, 不時為我地收碟、更換有殼既碟。 continue reading
(The above review is the personal opinion of a user which does not represent OpenRice's point of view.)
Level4 2019-07-27
3064 views
已經好久沒有到瓊華了,原來已經變成了樓上餐廳,今次朋友帶我食放題,選擇了這間"至尊滿屋",一於試試先。晚市放題星期一至三 $208,星期四 $218,星期五六及假期前 $228,星期日及公眾假期 $228這裡自助吧有Hoegaarden和Somersby都不錯。特飲有紫貝天葵白桃梳打。刺身:甜蝦、大赤蝦、大烏貝、黃金翡翠螺、三文魚、油甘魚、松葉蟹棒,整體刺身不錯。壽司:壽司選擇也多。我點了柚子油甘魚壽司、白松露中拖羅壽司、夏日腐皮沙律船-蟹子沙律、燒芝士三文魚腩卷、意大利黑醋芝士鰻魚卷。火焰壽司:咖哩鹽燒左口魚邊、醬燒三文魚壽司、蒲燒鰻魚壽司,最喜歡蒲燒鰻魚壽司。沙律:芝麻八爪魚、至尊蘆薈沙律、泰式天使蝦炸物:芝麻雞翼、炸枝豆魚肉丸、炸蟹蓋串燒:鹽燒牛舌、燒有機鮮菠蘿,牛舌不韌,菠蘿鮮甜多汁。炭燒:鹽燒雞翼、燒紐西蘭香草羊鞍,羊鞍羊羶味不濃,肉嫩惹味。季節料理:吉品鮑汁燴花膠盛宴、蒲燒三文魚腩、西京比目魚一品料理:馬拉盞炒芥蘭苗、鐵板雪花牛柳粒、黑椒汁炒牛脷馬拉盞炒芥蘭苗有驚喜,我們多來了2round;牛脷軟腍入味。甜品新鮮水果Movenpick雪糕、Dreyers雪糕 continue reading
(The above review is the personal opinion of a user which does not represent OpenRice's point of view.)
Level4 2019-06-30
4110 views
星期三跟數位朋友聚會,選擇了香港的正中心旺角食飯,大家都舉腳讚成食放題,走到了瓊華中心,看了看就上了7樓的「至尊滿屋日本料理」。這間餐廳的裝修與大多數的餐廳一樣,以深沈的黑色作為主調,不會太吵,感覺很舒服,適合一大班人聚會。放題少不免刺身,有三文魚、大赤蝦、甜蝦、鮑魚片、北海道帶子刺身、吞拿魚、希靈魚、松葉蟹棒、深海八爪魚、玉子、北海道螺等等。整體的刺身都算新鮮嫩口,種類也不少,其他都好滿意。當中大赤蝦最為新鮮美味,晶瑩剔透,肉質彈牙爽口,膠質非常重,可以encore。壽司卷物方面,餐廳花多點心思在各種食材上,在壽司加上不同的醬汁點綴。如有:至尊蜜糖芥末三文魚腩壽司、黑松露油甘魚壽司、芥辣柚子玻璃蝦壽司、法式芥末象拔蚌壽司等等。壽司方面驚喜反而較多,在外間比較少這樣的配搭。而壽司上的刺身相對刺身拼盤較鮮甜美味,厚肉飽滿。串燒和日式料理方面,有燒有機鮮菠蘿、燒有幾日本番薯仔、泰式咖哩炒蟹、西京比目魚、北海道焗廣島蠔、清酒煮蜆、吉品鮑汁燴花膠盛宴。想不到這裡連花膠都可以吃,花膠細緻嫩滑,帶點膠質,咀嚼的時候帶點彈性。清酒煮蜆就略厭清淡,沒大多酒味。飲品方面都是任飲,選擇也很多,也非常有驚喜,這裡有Rose味Hoegaarden,lady應該會鐘意,也有somersby、各鐘茶和汽水。選擇多之餘亦有誠意!甜品也值得一讚,可以挑選Haagen dazs和movenpick雪糕,雖則不是任食,但我覺得$238可吃到這麼多元化的放題已經回本了。而且這裡的服務員上食物的速度也算快,而且沒有漏單的情況,值得一試。 continue reading
(The above review is the personal opinion of a user which does not represent OpenRice's point of view.)
Level4 2019-06-02
3772 views
講起食放題,就真是非常吸引,今晚與朋友一齊來到旺角瓊華中心至尊滿屋日本料理食放題。餐廳裝修整潔,寛敝明亮。放題款式非常多,除飲品及甜品任飲任食,主打的有季節料理、和風料理、一品料理、豪華海鮮宴、刺身、手卷、卷物、火炙壽司、壽司、串燒、炭燒、燒物、炸物、天婦羅...等也是任飲任食。先上一個刺身拼盤,有鮑片、帶子、鮮魷、螺片及三文魚...等。各款刺身都很新鮮。鮑片、帶子、鮮魷、螺片,都非常新鮮 。最愛三文魚鮮中帶軟滑。泰式咖哩炒蟹泰式咖哩炒蟹,放題都有蟹食,這不是間間都有的,而且有整整一隻,蟹肉新鮮,帶少少咖哩味,絕不能錯過。花膠花膠很大件,帶爽口,有骨膠原,我喜歡。香芒龍蝦沙律卷及意大利黑醋芝士鰻魚卷。香芒帶少少酸味,配上龍蝦沙律及煙煙韌韌的日式飯,很美味。意大利黑醋芝士鰻魚卷,鰻魚帶少少甜,肉質軟滑。鹽燒雞翼鹽燒雞翼比起芝麻雞翼味道又有不同,稍為比芝麻雞翼干身少少,但多了一份鹽燒的香味。芝麻雞翼芝麻雞翼炸到外皮帶微脆,肉嫩多汁。榴槤炸彈榴槤炸彈裡面的流心非常濃烈的榴槤味,真是很正。任飲任食,其實還食了很多款式的食物,食得非常盡興,最後以水果西瓜、哈密瓜及兩個雪糕,為今晚的任飲任食放題更添完滿。 continue reading
(The above review is the personal opinion of a user which does not represent OpenRice's point of view.)