牛匠石燒 (Closed)

今日下午比較得閒，朋友帶左我黎呢間石燒牛肉店食下午茶。我地叫左兩份定食share。定食可以以優惠價加配小食，所以我哋都加左兩份一口牛肉粒作為小食。嚴選風門柳定食 $98有配味增湯、前菜同埋白飯，仲配一杯飲品。風門柳有六大片，擺喺石上面可以自己揀要燒幾耐。我燒咗一陣就拎咗嚟食啦。風門柳好有牛肉味，好食。吉列草飼牛肉眼定食 $108有好大塊吉列牛，炸得好靚嘅外皮包住生嘅肉眼，又係可以自己放喺石上面燒，決定生熟度。我覺得吉列外皮好索汁，點埋燒肉汁撈飯都幾好食。呢個餐都係有配味增湯、前菜、飲品同埋白飯嘅。鹿兒島一口牛 $18呢個一口牛只需要加$18就有得食，咁抵梗係架啦。一口牛都煮得幾入味，同埋都有牛味，幾好食。芝士奶蓋四季春 +$10套餐飲品加$10轉飲呢個特飲。奶蓋味濃，茶我就叫咗走甜，幾有茶味幾好飲。草莓乳酸 +$10呢個係朋友叫嘅，賣相好靚，佢話幾好飲。呢個可能係我食過最平嘅吉列牛，下次想食吉列牛嘅時候都可能會再食。