四姐川菜

Open Now

Now Closed

天氣熱熱地就想食啲重口味既野❤️，就搵左呢間川菜，食物平均都幾高質🤤招牌重慶水煮魚水煮魚勁厚身，食落好有啖啖肉既滿足感，味道麻麻辣辣得黎，魚鮮味都好夠，入面仲有大量芽菜同寬粉墊底，寬粉勁q彈，食落軟軟糯糯咁，非常好食😋川式回鍋肉回鍋肉肥瘦勻稱，食落香濃惹味，肉片份量都好多下，入面既椒類都非常香口，肉香味濃蒜泥白肉味道甜辣甜辣咁，每一嚿肉都好惹味，睇落無好明顯既蒜泥，但啖啖都有好香濃既蒜味，值得一食重慶口水雞口水雞雞身嫩滑，雞皮爽彈，麻香味好足，順口既香辣味清炒萵筍絲好清新既味道，口感爽脆，味道清香蒜蓉油麥菜蒜香味十足，配上油麥菜既爽脆，好好食