167
13
8
4-min walk from Exit A, Causeway Bay MTR Station continue reading
All Branches (2)
Telephone
28022250
Introduction
A Sichuan-style restaurant in Central, Sijie Sichuan Restaurant is great for those that love spicy food. Some of their signature dishes include the Sichuan cold noodle, cucumber with hot and sour sauce and spicy pork. continue reading
Opening Hours
Today
11:30 - 14:30
18:30 - 22:30
Mon - Sat
11:30 - 14:30
18:30 - 22:30
Sun
18:30 - 22:30
Public Holiday
18:30 - 22:30
Payment Method
Cash
Number of Seats
55
Other Info
Alcoholic Drinks
May Bring Your Own Wine Details
Parking
Phone Reservation
10% Service Charge
TV Broadcast
Review (195)
Level4 2018-09-06
1161 views
<四姐 出色既川菜>🌶較早前已食過佢灣仔總店既川菜 覺得好正 今日黎到 cwb分店 人頭湧湧 可能係銅鑼灣既關係 食既野一樣 但裝修環境靚好多 🙂 餐牌都係一樣 每人俾340 蚊免加一 唔同人數可點唔同數量既餸菜 我地兩個人可以點 兩個涼菜 三個熱菜🌶🙂 熱菜🍴糖醋里脊🐽🍯用左豬肉 t骨附近嗰個位口感肥得黎又帶 d彈牙 切得長身夠口感 加上佢出名連埋甜酸汁 炸得香脆 夠鑊氣 🔥正🙂 涼菜🍴蒜泥白肉🌶🐽每一間食店既蒜泥白肉都唔同 呢個切得好幼身 上面既皮位帶 d肥膏 肉質爽彈 而且好吸辣汁 🐷辣汁 香甜辣俱備 幾好味既前菜 😁 凍食🍴招牌四川涼麵 🔥🍜凍食既涼菜 麵質係爽得黎好有質感 食落好有層次感 上面鋪滿左 葱花 🌿🌶辣醬 佢既辣醬甜咸適中 好醒胃 同麵好爽 撈埋一齊食好滋味😍 熱食🍴招牌重慶水煮魚 🌶🐟熱食既水煮魚 二人份量都唔少 魚肉無骨夠軟熟 盡吸辣湯汁🐟 有好多爽口芽菜 葱花 辣椒做點綴 而且底層既寛粉 爽口彈牙 夠哂滿足同好味😍: 熱食🍴辣子雞軟骨🌶🐤💀炒得好有鑊氣既雞軟骨 一上枱夠哂乾辣椒香🙂 雞軟骨炒到剛好熟 一咬落去除左有彈牙既口感外 仲帶住雞油香 好正同好惹味🌶#麻辣 #川菜 #雞軟骨 #蒜泥白肉 #涼麵 Score 平均分 <7.8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#四姐川菜銅鑼灣耀華街3 號 百樂中心10 樓~~~~~~~~~~~~ continue reading
(The above review is the personal opinion of an user which does not represent OpenRice's point of view.)
Level4 2018-07-02
2667 views
今日同同學敘舊,又來到銅鑼灣耀華街3號嘅百樂大廈。呢度每層都係餐廳,好多選擇,但每次來都要等lift等好耐,今次都唔例外。奉勸大家要訂檯同埋早啲過定嚟!今次來品嚐非常有名嘅「四姐川菜」。入面係類似茶樓嘅格局,一坐低,侍應首先會沖壺茶畀你。都算多客,有老外,仲有幾檯係內地人——內地人都幫襯嘅香港川菜館,應該真係幾好味!期待!!!呢度晚市只有套餐,不能散叫小菜。每位$340,不設加一,根據每檯人數決定可以order幾多個涼菜和熱菜,最正係白飯任裝。2人餐可以叫2個涼菜、3個熱菜——對於兩個女仔來講太多了,不過反正可以打包,試多幾個菜都好。【涼拌木耳】酸酸地,醋同辣嘅比例啱啱好,木耳爽脆,唔太辣,開胃小菜不失一個好選擇。【口水雞】超正!雞肉軟糯惹味,啲辣汁真係獨門秘方,辣得有香味,芹菜又令到佢食落有清香。辣油入眠有花椒同其他無知名的調味料,總之一個字,正!食完啲雞肉我地仲用啲辣油點木耳食,一啖啖停唔到口!【招牌水煮魚】好多魚好大份呀!面頭全部都係魚肉,肉質非常嫩滑,完全冇骨,係完全冇,入口即化,浸足辣油,熱辣辣,好好味!筆開啲魚肉,下面係薯粉,青瓜,芽菜等等,好足料。肉眼可見的花椒,令到魚肉又辣又麻,但又唔只辣味,唔怪之係招牌,值得推介!【乾扁鱔片】鱔片應該係煎過,好煙韌,又係辣椒同花椒共同反應,送飯一流。可惜鱔片唔多,好快食晒!【酸菜牛肉】牛肉鮮嫩,酸菜入味,又係好大份。雖然比起水煮魚稍微遜色,但都好味,唔辣,送飯唔錯。四姐川菜咁出名真係冇令人失望。 continue reading
(The above review is the personal opinion of an user which does not represent OpenRice's point of view.)
Level4 2018-06-22
176 views
今天要送別我即將返回家鄉的恩師,知道他嗜辣,特地挑選了一間比較有體面的川菜。每人盛惠$340,看似不平,但食物卻很有質素。只有我們兩人,叫套餐的話可以選擇兩個涼菜,三個熱菜。因為腸胃不太好的關係,沒有點太辣的菜色。炎炎夏日,涼菜方面點了招牌四川涼麵和蒜蓉肚絲。四川涼麵是餐廳推介的,雖然看似簡單,卻令人欲罷不能。麵質煙韌彈牙,不易斷開。一開始會擔心醬料會有點乾,但是細看之下原來麵條本身已有油份,所以不會乾之餘,亦令醬料容易掛在麵條上。醬料鹹,香,麻,辣,可是仍可以嚐得到麵條的微鹹。蒜蓉肚片也非常出色。豬肚不肥膩,清洗乾淨,有嚼勁,佐麵來吃也不錯。川式椒鹽蝦是我們的最愛。外皮炸得香脆,可以連皮一起吃。蝦身中間剪開,蝦屎清潔得乾淨,所以整隻吃掉都放心。椒鹽味沒有蓋過新鮮蝦的新鮮,非常入味,連蝦頭裏面的蝦膏也有椒鹽的味道。酸辣土豆絲是不太能吃辣的朋友的選擇。土豆絲爽脆,因為幼細所以也非常入味。這道菜不是涼拌的,但是上菜也不會太熱。酸味來自陳醋,不會死酸,辣味來自蒜蓉和辣椒的味道,也有麻油香。雖然這味菜有些少鑊氣,可是略嫌油分太多。雖然如此,餐廳用的油大概是比較優質的,即使有些菜式比較油膩,吃完也沒有腸胃不適的感覺。干煸四季豆很有鑊氣,整碟偏乾身的,當中含有豬肉碎,雪菜,乾辣椒等等的材料。主要是有微微的香辣,鑊氣和雪菜味點綴四季豆的味道。很好吃!最後餐廳送上了一碟蒜蓉炒A菜,用來解濟正不錯。 continue reading
(The above review is the personal opinion of an user which does not represent OpenRice's point of view.)
Level4 2018-06-19
383 views
記得第一次食四姐係係灣仔住宅樓上舖,老闆娘特別親切,感覺好似去咗朋友屋企食飯咁,好開心!之後銅鑼灣開分店,位置再方便得多,雖然係商業大廈樓上,不像以前在家的感覺,但老闆一家上上下下都親自打點一切,那份親切常在。朋友從遠方來工作,話想食四川野,第一時間我就諗起四姐。今天是星期四,好彩即時打去仲有位,如果係星期五、六就可能未必咁好彩啦!Menu係簡而精的,每位$340(沒有加一), 二人可選2道前菜3道主菜,好抵好豐富!天氣熱熱地搞到冇乜胃口,想食啲涼爽或者辣嘅嘢提升返胃口。所以我就點左我最愛嘅招牌四川涼麵,那陣麻辣香加麵條爽口的感覺,確實可以刺激味蕾。再來一個重慶口水雞,雞肉新鮮美味配上獨家麻辣醬汁,真的忍唔住一啖接著一啖。主菜必叫招牌重慶水煮魚配上豆芽和薯粉,烹調出來的肉質一點也不會變韌,口感超滑嫩、油而不膩、超香辣麻味,一個字正!辣子蝦係我第二至愛,炸得金黃酥脆,肉質又很嫩,成隻可以食晒,蛋白質超豐富。朋友想叫一碟唔辣嘅菜式,最後點了三鮮鍋巴。老闆仲好貼心咁樣話將啲鍋巴分開上,咁就唔會浸到淋晒唔好味。再加上列牌附送的油菜,好滿足的一晚!好難得的有heart 嘅餐廳,繼續keep住呢份精神! continue reading
(The above review is the personal opinion of an user which does not represent OpenRice's point of view.)
Level4 2018-06-14
555 views
今日約了好友見面,難得同朋友出街,而老公又唔鐘意食辣野,所以約朋友一定要食下辣野先開心!就安排了試一試川菜!去到同店員講訂了枱,店員帶我們坐近門口的二人枱,店面不算太大, 大約4張2人枱,4張中枱同兩張大枱,可能太早,只得一枱二人客, 到我地8點半走時.店已經坐滿晒人,見大部分人都預先訂枱,可能都知私房菜唔訂WALKIN難過登天XD之後店員介紹2人前可選擇2個涼菜加3個熱菜,我們答先想想再選擇,看了餐牌相片同埋菜單,最後決定要了一個招牌四川涼麵, 蒜泥白肉, 酸菜魚, 重慶辣子雞&清炒萵荀絲!有菜有肉有麵! 應該都好足夠!1.招牌四川涼麵: 麵條好爽口,幼幼的好易入口,個拌麵汁酸辣度剛好,食到我停唔到口,問了老闆,麵條由四川直送,在香港應該好難搵到!2.蒜泥白肉: 同平時食開好唔同,不是一堆蒜泥響面,蒜味已經入晒個汁醬到,唔太搶唔太辣,塊肉好入味,如果叫飯撈汁食應該幾夾!3.酸菜魚: 見到滿滿一盤,肉又滑又厚,煮到剛剛好不鞋口是重點!4.重慶辣子雞: 好香脆,但切得太細,好快就清左盤,如果可以再麻一點就更加好!5.清炒萵荀絲: 吃完一堆重口味食物,吃萵荀清清口好舒服,通常在外吃飯都會叫一些在家自己不會煮的心機餸,如果要我切絲炒這一味都幾大鑊!6.估不到二人前都會贈送清炒油墨菜一碟,我們說早知叫多一碟肉,不要萵荀絲 (食肉獸的心聲)吃得太飽想轉場吃甜點都吃不落了! 埋單每位$340-, 不設加一! 靜靜地傾下笑下又一晚, 好滿足的一餐! continue reading
(The above review is the personal opinion of an user which does not represent OpenRice's point of view.)