唐述

Open Now

Now Closed

今日喺中環IFC食中菜，呢間餐廳嘅入口好神秘，經過一條好長嘅通道入去，入到去見到巨型玻璃窗，外面係維港夜景，見到中環碼頭同埋摩天輪，非常浪漫。夥計首先俾我哋一壺熱茶「人蔘烏龍」，茶味好香、好清新。前菜係「紫菜脆腰果」，鹹鹹地，有濃郁嘅紫菜香味，腰果好香脆，又唔覺得油膩，前菜都做到咁精緻，非常特別。餐廳提供一set多道菜式嘅套餐，幫人頭計算。頭盤係「冰鎮蟶子」、「醉鮑魚配三文魚子」、「酸梅車厘茄」、「海蜇頭」，三文魚子鹹鹹地、脆卜卜；醉鮑魚好香酒味、好爽口；海蜇頭同樣爽口好食。接着係外脆內軟嘅海參、新鮮魚柳配合香脆嘅魚鱗，同樣製作方法非常特別，市面上好少可以見到。仲有花膠湯，食材十分優質，營養充足，滋補養顏。最後係雙色湯圓番薯糖水，整個套餐非常特別，非常豐富，十分推介。