Chinesology

一直都想係IFC唐述既華麗裝潢下食返餐，今次終於試到佢既粵韻飄香週末早午餐。一個套餐包咗前菜，湯品，主食，多款任食特色點心及甜品，一次過滿足多個願望。前菜既魚香籽生醃蝦用滿滿既魚香籽包住生醃蝦，味道香得來蝦肉翼感覺到好新鮮。湯品杏汁肆菓湯嘅杏汁味唔會太濃，相對容易入口，每一啖都有滋潤嘅感覺。主菜簡左香辣胡椒龍蝦，口味非常適合鍾意食香口嘢嘅我，龍蝦肉香得來唔會太嚡口，胡椒味香，但同時唔會太辣特色點心同甜品選擇多，今次特意推薦幾款，大家可以留意玉帶小籠包，湯汁封住咗喺小籠包入邊，包皮薄唔容易爛，包內肉汁香甜，肉質亦都鮮滑！西班牙黑毛豬酥，用黑毛豬整嘅類似叉燒酥，外皮香脆，入邊嘅黑毛豬肉肉味濃郁，口感十足。椒鹽脆豆腐，外皮炸到金黃色脆卜卜，但入邊嘅豆腐仲係滑捋捋，配上香口椒鹽，令人食完一嚿再想食多嚿。香脆蝦多士，原隻蝦肉包喺脆卜卜嘅多士入邊，調味啱啱好，食完都唔會太利。XO醬炒腸粉，XO醬味唔會太鹹，配上炒到外皮有少少焦香嘅腸粉，非常惹味。如果食得麻辣嘅仲可以配佢哋嘅辣椒油嚟食，又有另外一款口感。貴妃玉露，用番石榴整嘅甜品，番石榴味香濃，配上甘露底嘅西米同柚子肉，非常充滿新意嘅甜品。即焗蛋撻，酥皮底真係非常鬆脆，入口一咬好似食咗千層酥咁，蛋撻餡蛋味香濃，再加上整個蛋撻都有強烈嘅牛油香，咬落去嗰刻成口都充滿香氣。脆炸蜜瓜奶配椰子雪糕，脆炸蜜瓜奶外皮香脆，好似我哋成日食嘅炸奶一樣，但係咬落去蜜瓜味非常之香濃。椰子雪糕配上花生，每一啖都係香滑嘅椰子味，再加埋香脆嘅花生味。係唐述食嘅呢個早午餐，除咗可以享受到佢多元化以及豐富嘅美食之外，環境亦都10分舒適現代裝潢再加上古色古香嘅用具，最緊要係員工嘅服務質素出色，令人有一種賓至如歸嘅感覺。…Read More

現代中式設計融合咗東方美學同藝術感樓底高，空間感十足，坐得好舒服呢度嘅服務細心周到，令人有種備受尊寵嘅感覺每逢週末都有brunch可以一次過享受唔同既菜式主打既點心無限量任點 而且每位一份主菜性價比超高魚香籽生醃蝦    -鋪滿20年陳嘅魚香籽個種濃郁嘅鹹香直衝腦門生醃蝦肉爽滑又彈牙又Creamy杏汁肆菓湯    -杏汁嘅濃郁甘香，質感滑溜清甜潤喉香辣胡椒龍蝦    -龍蝦開邊炸到金黃，肉質爽彈鮮甜秘製胡椒醬汁辣得嚟唔嗆喉，仲帶微微椒香，鑊氣十足香蔥沙整屈雞    -肉質嫩滑到不得了，滿滿雞油香靈魂所在係面頭堆到滿嘅香蔥，蔥香霸道香脆原隻蝦多士    -原隻鮮蝦趴喺多士上炸到金黃脆卜卜蝦肉爽彈多士鬆化椒鹽脆豆腐    -外皮金黃酥脆，內裡豆腐軟嫩如綿即焗蛋撻    -即焗出爐，牛油香氣撲鼻！撻皮唔係普通酥皮係用靚牛油搓成，咬落鬆化到不得了真係一掂就碎晒 入面嘅燉蛋嫩滑到震西班牙黑毛豬酥    -外層鬆化到 沙 一聲，好似雪花咁散開入面嘅黑毛豬叉燒餡鹹香豐腴XO醬炒腸粉    -鑊氣十足！腸粉炒到外微焦、內軟滑每條都均勻掛滿自家製XO醬，鹹香惹味西紅柿雞絲兩麵皇    -金黃脆麵淋上熱辣辣嘅西紅柿雞絲汁半脆半軟索晒酸甜茄蓉 雞絲嫩滑正到痺魚子燒賣    -魚子卜卜脆鮮甜，燒賣皮薄餡靚陳皮魚蓉粥    -粥底綿滑起膠，完全吸收咗魚蓉嘅鮮甜陳皮香氣溫和甘醇，唔會搶味，反而帶出魚鮮層次…Read More

上星期六我同朋友去咗中環嘅“唐述”，餐廳環境好優雅，我哋坐嘅位仲望到維港景色，感覺好chill。今次試咗佢哋嘅週末brunch，係任食套餐，有前菜、湯、主菜同甜品，之後仲可以任食點心同甜品。⭐魚香籽生醃蝦呢個前菜好有驚喜。蝦肉好新鮮，口感爽滑，用酒生醃過，味道幾特別，好開胃。⭐杏汁肆菓湯呢個湯真係好出色。杏汁味香濃，但飲落好清潤，仲有唔同嘅瓜粒，食落好有層次感。⭐香辣胡椒龍蝦主菜我揀咗龍蝦，龍蝦肉質彈牙，香辣胡椒汁夠濃郁，但又唔會蓋過龍蝦本身嘅鮮味，水準好高。⭐脆炸蜜瓜奶配椰子雪糕套餐跟嘅甜品好有創意，炸密瓜奶外層脆口，內餡軟滑，配埋冰凍嘅椰子雪糕一齊食，口感好豐富，味道亦都好夾。雪糕下面仲有層用竹蔗茅根整嘅果凍，令味道層次提升。呢度任食嘅點心同甜品有成十幾款可以揀，例如蝦餃、燒賣、脆炸金磚豆腐，仲有奶黃千層糕、薑汁糕同黑糖糍粑等等。雖然係任食，但食物嘅質素依然好高，完全唔馬虎。其中我最欣賞呢兩樣：⭐西班牙黑毛豬酥呢個酥外層整得好鬆化，內餡係黑毛豬叉燒，調味適中，食落香口又唔會油膩。⭐貴妃玉露呢個甜品都好特別，似楊枝甘露，但係用紅色嘅芭樂整，味道好清甜，食落好清新，唔會好漏。整體嚟講，呢度嘅食物同環境都好有水準，值得推介。雖然價錢唔算平，但有靚景同高質嘅食物，都係一次好特別嘅用餐體驗。…Read More

人生百味，活著就是美麗！專注佳餚，味蕾幸福人就開心！偶爾都喜歡到「唐述」吃飯，因爲環境高雅，海景相伴，浪漫氣氛，是付得起的享受，未嘗不可！世味人生菜單，每位$1338，九道十一款菜式，精心烹調，食材上乘，樣樣都好味，吃得滿意！紅、白餐酒先來紅白餐酒各一杯，酒體幾夠厚。慢煮雲南泡椒帶子皇白色煙霧彌漫，乾冰效果增仙氣，令菜式感覺昇華。帶子肉厚鮮嫩，神奇效果在於泡椒，香而不辣，不只沒有喧賓奪主，而且更成功添層次。前菜三弄:柑桔梅子玉茄.陳香海蜇凍.20年古越龍山花雕生醃蝦—粒柑桔肉在頂端，即時為非常入味及酸酸地的茄仔增甘香變化。20年陳醋做嘅海蜇凍，口感又爽又涼。花雕蝦的酒香慢慢透出，很是討好。蟹肉濃湯雪燕羹湯頭味道很濃醇味香，蟹肉與燕窩份量參半，出奇的加了節瓜絲增爽口層次。手工棉花玉掌扎名副其實，肉掌炆至如棉花般軟熟，飽吸高湯鮑魚汁，非常滋味；扎內有冬菇及估計是豬皮，同様煮至軟透，一點也不硬，不像一般豬皮，也許是其他食材！珍寶珠楊枝甘露珍寶珠，作用是清洗味蕾。遠年陳皮檸檬蒸野生馬友適度的提味，魚肉肥美幼滑。藥膳鮮蠔黃酒雞充滿黃酒香，鮮蠔巨型，雞肉嫩滑。金湯雲吞金湯滋味，雲吞皮幼滑，餡料豐富好吃，我喜歡。桂圓紅棗奶凍一粒圓肉放頂端，紅棗汁做了一層啫哩，鋪在幼滑的奶凍上。…Read More

世味人生慢煮雲南泡椒帶子皇慢煮雲南泡椒帶子皇，是一道極具風味美食帶子的新鮮鮮甜，表面泡椒的酸辣味道逐漸襲來但溫和，慢煮讓帶子的肉質更加嫩滑前菜三弄柑橘梅子玉茄柑橘梅子玉茄其味道獨特且令人驚艷，柑橘的酸甜味道帶來清新的口感，梅子的醇厚和微酸，增添了層次感，味道更加圓潤，玉茄的柔滑細緻清甜陳香海蜇凍陳香海蜇凍清爽開胃，味道獨特，海蜇的口感脆嫩，咬下去時發出輕微的咔嚓聲，搭配的陳香，帶有濃厚的香氣，冰凍海蜇口感又真係帶清爽20年古月龍山花雕生醃蝦蝦肉鮮嫩，口感彈牙，入口即化，伴隨著花雕酒的香氣，獨特的甘醇與醉人香味滲透進蝦肉，淡淡的酒香，與蝦的鮮甜相得益彰，口感清新爽口蟹肉濃湯雪燕羹濃郁的蟹肉香氣撲鼻而來，湯底的鮮甜味道與蟹肉的鮮美完美融合，湯品的質地滑順，充滿了蟹肉的鮮甜，與雪燕的清潤口感柔軟和彈性手工棉花玉掌扎竹笙的清甜與鵝掌的滑嫩互相輝映，竹笙口感脆嫩，鵝掌肉質豐富軟腍花菇的香氣鮮香與竹笙和鵝掌恰到好處，湯汁濃郁美味珍寶珠先將楊枝甘露雪凍造成珍寶珠，入口冰涼清新，柚子肉清甜又可以解油膩，西米圓潤有口感遠年陳皮檸檬蒸野生馬友陳皮的香氣悠長，檸檬的清新，馬友肉質鮮嫩，魚油甘香肥美，在蒸煮時充分吸收了陳皮和檸檬的香氣，更加柔滑，又提升魚肉的鮮香藥膳鮮𧐢黃酒雞味道既濃郁帶有酒香，雞肉保持了鮮嫩的口感，肉質滑潤，黃酒的香氣醇厚，並帶來微微的甜味，有木耳和蟲草花爽脆口感，湯汁清澈而鮮香，品味到雞肉的鮮美金湯雲吞湯底金黃透亮，有雞肉的鮮甜雲吞的皮薄餡豐，由豬肉，蝦仁製成，咬下去時，餡料鮮嫩多汁，與湯汁濃郁的肉香桂圓紅棗奶凍桂圓的清香與紅棗的甘甜交織在一起，散發著淡淡的香氣，奶凍的質地滑順細膩，入口即化，感受到絲滑口感…Read More