Babbo Trattoria (Closed)

今日去到銅鑼灣見客， 附近時代廣場食肆林立，而對面一條街就是羅素街， 街口就是二千年廣場， 看見到5樓有間食意大利菜的Babbo Trattoria。 Set lunch 由$78蚊至$118蚊不等，意大利餐廳嚟講，價錢果真十分超值。 對比附近茶餐廳午餐的價錢， 只不過貴少少，但這是高級意大利餐廳, 基於這個原因，所以我和同事就決定上去嘆番餐。電梯上五字， 一入餐廳內，發覺剛才決定絕對冇錯， 因為這裏環境舒適，裝修很有氣氛。 看完餐牌，最後決定點了紙包綜合海鮮$118和米蘭式酥炸豬排$98。 跟餐還有凱撒 沙律、主餐湯和飲品。不消片刻，侍應很快便拿來凱撒沙律和餐湯， 沙律勝在夠fresh， 還配上一片法式麵包 ，可邊飲湯時邊食。餐湯的蕃茄味濃， 酸酸咪咪的， 帶出你的食慾。很快來這紙包綜合海鮮， 材料豐富，分別有蝦、青口、蜆、 魷魚筒， 全部都是非常新鮮 ， 最特別之處跟餐還有數片熱辣辣的麵包，非常香脆 ，點上醬汁特別美味可口。而米蘭式酥炸豬排更加特別，另看其賣相好像炸燶了的， 其實只是色澤問題。 咬落去極香脆可口，而肉質熱得來還很軟熟嫩滑， 而配上火箭菜一齊食，炸過的豬排不會感到太油