沙嗲王 (Moved) New Location

一向唔中意幫襯d集團式餐廳，可能有d返霸權主意吧.... 但半夜成十點幾人在裕民坊，都唔知食咩好，老婆話中意食佢個豬扒飯，咪上去試一試。雖然沙嗲王開左好耐，但我係第一次幫襯，叫左客白咖哩香茅豬扒飯，日式蟹粉豆腐鍋配印度薄餅加蒜蓉牛油雞翼，首先個白湯好特別用個杯裝住，夠濃，但湯同沙律份量都偏細，豬扒飯個汁唔辣偏甜，豬扒炸得唔乾身夠肉汁，驚喜！日式蟹粉豆腐當然唔會好重蟹味，但味道好特別，豆腐好滑，個鍋亦夠熱，蒜蓉牛油雞翼蒜蓉味比牛油味重，三個食品都對啱我胃口，係咩無預期之下食到咁出色嘅食品，驚喜！唯一不滿嘅係當晚幫襯時，有位男員工係到發脾氣，影響左d食欲。