韓屋

黎到韓國街，要食韓國野。朋友見到遠處一隻粉紅豬豬閃閃下少女心大發，就入左黎了。入到黎就知道一定係韓國人開嘅！因為無人識講廣東話！waitress 勁好禮貌，果然係真韓國人。😂我地叫左個蔘雞湯同薯仔豬排骨湯。一個蔘雞餃子王同埋韓式煎餃。首先，係大愛個泡菜嘅！酸辣好合宜，好好食，想買返啲返屋企。人蔘雞非常濃郁，非常足料。條人蔘成條咁，真係足料！雞亦都好滑。欣賞佢碗紅米飯，補充我身體所需食用纖維。薯仔豬排湯有驚喜！相睇落去係辣嘅，其實味道溫和清爽！有好多菜好大舊排骨，感覺入口非常健康。非常推薦大家一試。餃子皮好滑，如果食蒸餃就更食得出佢嘅皮滑。厚度都岩岩好，大家可以試下。最後，兩個人食左兩個湯，好飽但又好滿足！