唐述

Open Now

Now Closed

好朋友係加拿大返來，太耐無見，揀左間環境舒適的中菜餐廳比朋友回味下。餐廳樓底高，又有落地玻璃，見到摩天輪架🎡！Weekend brunch 粵韻飄香週末早午餐 $648/位，包含前菜、湯品、主菜、無限量點心及甜品。朋友好刷得，所以任食點心真係好岩朋友~前菜：蔥油帶子、古越龍山浸鮑魚、梅子番茄、蟶子皇、簥頭。每樣都精緻有特色，好滿意👍🐤湯品：花膠螺頭竹絲雞湯，非常足聊，老火湯非常甜同滋補。🦞主菜：揀左金栗炆龍蝦 /同 蔥香焗鱈魚。龍蝦肉非常彈牙非常推薦。今日第二個重點就係無限量點心！朋友非常食得，所以我地叫左大部分既點心來試。⭐咸點方面最最推介脆皮蝦春卷、陳皮魚蓉粥。脆皮蝦春卷即叫即炸，每口都係彈牙既蝦肉。魚蓉粥每啖粥皆有魚蓉，香甜好味，食不停口。⭐無限量甜品：最鍾意貴妃玉露及陳皮紅豆沙。貴妃玉露有啲似芒果西米露，但以西柚和碌柚製成，味道酸甜，但甜而不膩。陳皮紅豆沙起沙感十足，淡淡嘅陳皮味簡直畫龍點晴想得閑試下高級點心真係可以來呢度體驗下。