Video
Read full review
2020-05-31
402 views
今日潮拜南豐紗廠，順便食Bloomberg 2020年全球最佳漢堡唯一入榜既香港漢堡店－Honbo👏🏻。上次係灣仔日街食Honbo已經讚口不絕，今次睇吓荃灣既Honbo水準係咪一樣咁高！裝潢同灣仔Honbo一樣咁型格，不過白色嘅磚牆令我有少少身處廁所嘅感覺😅。上次去灣仔honbo見唔到有中文餐牌，不過今次荃灣Honbo既餐牌有埋中文👍🏻。除咗牛肉漢堡之外，Honbo仲有炸雞、炸蠔漢堡，甚至素肉漢堡。如果用一個詞語形容Honbo嘅話，我會選擇自信😬，從呢一幅畫完全感受得到Honbo對於自己漢堡嘅自信。- 招牌漢堡賣相方面，漢堡幾挺身，層次分明。包塗上牛油唔會整淋個包，加上烘過所以幾乾身。牛肉外層焦香，肉汁豐富之外仲幾脆口😋，醬汁亦唔會過多，味道依舊出色！- 芝士漢堡牛肉相比招牌漢堡嘅牛肉比較生，有少少呈粉紅色😍，加上半熔芝士同蔬菜，味道非常豐富，醬汁份量同樣適中，成個漢堡唔會覺得太濕潤。另外我自己對酸瓜無咩好感🙄，一般情況都會特登挑走，不過Honbo既酸瓜切得比較薄，食漢堡嘅時候依然有爽脆嘅口感，但同時味道唔會太過酸。- 薯寶薯寶不論味道口感同薯餅一樣，只不過變咗迷你版。- 薯條🍟Hon
裝潢同灣仔Honbo一樣咁型格，不過白色嘅磚牆令我有少少身處廁所嘅感覺😅。
上次去灣仔honbo見唔到有中文餐牌，不過今次荃灣Honbo既餐牌有埋中文👍🏻。除咗牛肉漢堡之外，Honbo仲有炸雞、炸蠔漢堡，甚至素肉漢堡。
如果用一個詞語形容Honbo嘅話，我會選擇自信😬，從呢一幅畫完全感受得到Honbo對於自己漢堡嘅自信。
- 招牌漢堡
賣相方面，漢堡幾挺身，層次分明。包塗上牛油唔會整淋個包，加上烘過所以幾乾身。牛肉外層焦香，肉汁豐富之外仲幾脆口😋，醬汁亦唔會過多，味道依舊出色！
招牌漢堡
$88
38 views
0 likes
0 comments
- 芝士漢堡
牛肉相比招牌漢堡嘅牛肉比較生，有少少呈粉紅色😍，加上半熔芝士同蔬菜，味道非常豐富，醬汁份量同樣適中，成個漢堡唔會覺得太濕潤。另外我自己對酸瓜無咩好感🙄，一般情況都會特登挑走，不過Honbo既酸瓜切得比較薄，食漢堡嘅時候依然有爽脆嘅口感，但同時味道唔會太過酸。
芝士漢堡
$88
27 views
0 likes
0 comments
- 薯寶
薯寶不論味道口感同薯餅一樣，只不過變咗迷你版。
薯寶
$26
38 views
0 likes
0 comments
- 薯條🍟
Honbo嘅薯條非常幼身，香脆兼唔油膩。Honbo亦有提供亨氏茄汁同芥末醬。
今次荃灣Honbo令我更加確信Honbo係香港漢堡之中絕對Top1，不服來辯😎。
Post
