Video
Read full review
2022-01-12
489 views
《澳牛》當然聽過好多次，不過吾係成日行佐敦，所以呢間食堂長期歸於「想去」類別。今朝行過，便的起心肝試吓佢既《多士炒蛋》，順便自身睇吓佢有乜咁特別。行入去，其實自身彷彿變咗遊戲 “Cooking Mama” 內既食客，而《澳牛》就好似一間遊戲內就嚟打爆機既餐廳；當然佢嘅炒蛋同多士係好好味，好多街坊幫襯亦正常。但更重要，可以話係欣賞吓佢哋「土炮行雲流水」式既經營模式同服務。去到《澳牛》既效率同極致，真係吾係人人做到，想學都難。首先八點行入去，茶餐廳喺Omnicorn 疫情下依然座無虛席，可能炒蛋屬普遍早餐必點，而佢亦整得好多蛋汁，好濃好好味，所以基本上，十枱有八枱都係叫單一選既《早餐》，亦會選炒蛋；咁即係話廚房既人手好單純專注咁做《炒蛋》，《多士》同《火腿通粉》就得；（普通茶記既沙爹牛，五香肉丁，又或魚蛋河通通都冇，腸仔煙肉全體缺席！）坐低會即刻有伙記落單，轉頭（秒計）就上火腿通，未洗好餐具（亦係秒計）上埋多士炒蛋，呢個效率真係大開眼界。《金黃多士》暖上，有厚度，入口鬆軟；《炒蛋》熱既；口感好滑，真係一流；加埋杯奶茶，三十八蚊「差電」咁差醒番個人，出門口真係 power up 咗咁返工。坐
行入去，其實自身彷彿變咗遊戲 “Cooking Mama” 內既食客，而《澳牛》就好似一間遊戲內就嚟打爆機既餐廳；當然佢嘅炒蛋同多士係好好味，好多街坊幫襯亦正常。但更重要，可以話係欣賞吓佢哋「土炮行雲流水」式既經營模式同服務。去到《澳牛》既效率同極致，真係吾係人人做到，想學都難。
首先八點行入去，茶餐廳喺Omnicorn 疫情下依然座無虛席，可能炒蛋屬普遍早餐必點，而佢亦整得好多蛋汁，好濃好好味，所以基本上，十枱有八枱都係叫單一選既《早餐》，亦會選炒蛋；咁即係話廚房既人手好單純專注咁做《炒蛋》，《多士》同《火腿通粉》就得；（普通茶記既沙爹牛，五香肉丁，又或魚蛋河通通都冇，腸仔煙肉全體缺席！）
坐低會即刻有伙記落單，轉頭（秒計）就上火腿通，未洗好餐具（亦係秒計）上埋多士炒蛋，呢個效率真係大開眼界。《金黃多士》暖上，有厚度，入口鬆軟；《炒蛋》熱既；口感好滑，真係一流；加埋杯奶茶，三十八蚊「差電」咁差醒番個人，出門口真係 power up 咗咁返工。
多士 炒蛋
39 views
0 likes
0 comments
坐喺《澳牛》既十數分鐘，其實你睇得出佢好多細節好整齊，個個伙計不停行來行去上菜，落單，執枱，上飲品，出單；有熟客都係一路做一路笑笑口吹水；全 set 野準備妥當，行雲流水，伙記茶水收銀都非常專注做野，冇人睇手機冇人企喺度等運到；我全個早餐由入座慢食到埋單，雖然只係坐左十幾分鐘，但人哋係兩三分鐘入面落完單上埋菜，食完秒速執枱清潔之後下一枱，呢種效率叫人驚嘆。
總結：
佢獨沽一味《炒蛋》早餐係堅好味既；但我更欣賞佢哋員工「總動員式」既效率同服務。
好香港，真係做到 「快！靚！正！」
Post
