勝香園

Open Now

Now Closed

今日做野經開中環，諗起好耐沒食過呢間老字號 - 勝香園。由於啱啱好十二點，啲人仲未開始放lunch，所以一埋去就有位。一坐低就叫左兩樣野食，分別是蕃茄牛肉太陽蛋麵同埋咖央多士。個麵好快就整好，不過多士反而要耐啲，因為多人叫，要逐份整。蕃茄牛肉太陽蛋麵 ($36)講番茄牛蛋麵先，湯底超濃，而且茄肉超多，不過就略嫌有些少酸，但屬可接受範圍。至於牛肉份量就正常，唔算太多或太少，同埋都算稔身，唔錯。咖央多士 ($18)另外嘅咖央多士就用左厚多士，面頭有一層薄薄嘅咖央醬，頭兩件食落都脆身，不過食完碗麵再食就變硬左。啲醬落得啱啱好，唔會太多食到成口醬，平衡番。值得一題嘅是，強烈建議大家秋冬先去食，一路食一路流汗都食得有啲辛苦。唔怕熱就夏天挑戰下啦。