Video
Read full review
2020-12-30
3945 views
❀ 香宮 #尖沙咀 ❀❗️香格里拉酒店內 一星米芝蓮中菜❗️——————————————————九龍香格里拉裝修一向走富麗堂皇嘅路線✨而內裏嘅香宮自1981年開業起榮獲唔少獎項，包括一星、二星米芝蓮、全球十大「最佳酒店餐廳」等等，算係香港正宗粵菜餐廳嘅龍頭。用上經典嘅紅金色做主調，加上仿宋雕刻、水墨畫，呈現出中國宮廷高貴典雅嘅感覺，但又唔會過於俗氣，係唔少人嘅粵菜之選，當中有唔少都係老一輩嘅人，我哋係較為罕見嘅年輕一輩，另外亦見少量外國人。.前排DiningCity又再推出新一輪嘅飲食優惠——WE LOVE DINING 百強熱選🤣$400都唔使就可以食到五道菜，以五星級酒店內嘅一星級米芝蓮餐廳來講算抵食，而平日午市套餐就約$600。整體食物一定水準，不過未有太大驚喜。服務方面一般，店員亦冇於上菜前介紹食物。.✷𝑀𝑒𝓃𝓊✷DiningCity WE LOVE DINING 百強熱選 午市套餐 $388☞ 前菜♥ 合桃平時去茶樓都係花生，但呢度同洲際酒店內嘅兩星級米芝蓮欣圖軒一樣，都係呈上香脆甜甜地嘅合桃☺️比起花生更加香口，不過略嫌呢一間冇欣圖軒嗰個咁脆。.♥ 洛神花茶 之後會送上一杯酸甜嘅
❗️香格里拉酒店內 一星米芝蓮中菜❗️
——————————————————
九龍香格里拉裝修一向走富麗堂皇嘅路線✨而內裏嘅香宮自1981年開業起榮獲唔少獎項，包括一星、二星米芝蓮、全球十大「最佳酒店餐廳」等等，算係香港正宗粵菜餐廳嘅龍頭。用上經典嘅紅金色做主調，加上仿宋雕刻、水墨畫，呈現出中國宮廷高貴典雅嘅感覺，但又唔會過於俗氣，係唔少人嘅粵菜之選，當中有唔少都係老一輩嘅人，我哋係較為罕見嘅年輕一輩，另外亦見少量外國人。
.
前排DiningCity又再推出新一輪嘅飲食優惠——WE LOVE DINING 百強熱選🤣$400都唔使就可以食到五道菜，以五星級酒店內嘅一星級米芝蓮餐廳來講算抵食，而平日午市套餐就約$600。整體食物一定水準，不過未有太大驚喜。服務方面一般，店員亦冇於上菜前介紹食物。
.
✷𝑀𝑒𝓃𝓊✷
DiningCity WE LOVE DINING 百強熱選 午市套餐 $388
☞ 前菜
♥ 合桃
平時去茶樓都係花生，但呢度同洲際酒店內嘅兩星級米芝蓮欣圖軒一樣，都係呈上香脆甜甜地嘅合桃☺️比起花生更加香口，不過略嫌呢一間冇欣圖軒嗰個咁脆。
156 views
2 likes
0 comments
.
♥ 洛神花茶
之後會送上一杯酸甜嘅洛神花茶🫖不得不讚佢嘅碗碟真係非常精美，一隻小小嘅杯都有晒雕花。
Welcoming drink
67 views
1 likes
0 comments
.
☞ 帶子燒賣、XO醬炒腸粉、 梨香黑豚肉鹹水角
呢三個小點心可以話係全餐嘅焦點🥰！
帶子燒賣內有多粒爽口鮮蝦，豬肉嘅比例反而比較少，感覺似食緊雲吞，配埋表面略帶鮮甜嘅帶子，係高水準嘅燒賣。
腸粉更加出色，腸粉皮雖然厚，但煙煙韌韌，令人反而愛上其厚度。另外個XO醬真係非常非常香鮮，出色！
鹹水角亦非常香口，黑豚肉餡料配上香蔥等等作調味，雖然油膩但好食。
帶子燒賣、XO醬炒腸粉、 梨香黑豚肉鹹水角
110 views
0 likes
0 comments
.
☞ 珊瑚海皇羹
落足料嘅海皇羹，內有少少蟹膏、豆腐，清清地嘅鮮甜，感覺健康，但唔算太特別😶。
珊瑚海皇羹
74 views
1 likes
0 comments
.
☞ 豉蒜尖椒炒牛肉
無可否認的確炒得幾香，而且牛肉片夠滑夠入味。
不過同一般大排檔嘅豉椒炒牛肉差不多，缺乏wow factor🙈。
豉蒜尖椒炒牛肉
73 views
1 likes
0 comments
.
☞ 叉燒頭抽撈粗麵
貌似簡單，但相對有驚喜💖！
粗麵口感煮得剛剛好。
醬汁嘅味道、稠度亦調得恰到好處，包圍着每一條麵條，做到非常惹味，比起一般粉面店高質好多😋！
反而叉燒就得幾條切絲，存在感唔係好高，不過係幾甘香。
叉燒頭抽撈粗麵
98 views
0 likes
0 comments
叉燒頭抽撈粗麵
28 views
0 likes
0 comments
.
☞ 芝麻糊湯圓
經典中式甜品，芝麻濃度、稠度正常，冇期望中咁突出🧐。
湯圓比較腍，內裏同樣係芝麻餡，但都冇話特別香濃。
芝麻糊湯圓
49 views
0 likes
0 comments
——————————————————
DiningCity WE LOVE DINING 百強熱選 午市套餐 $388
整體味道: 4/5 整體性價比: 4/5
.
整體來講，歸為一星米芝蓮，每道菜都有質素保證，不過就冇太大嘅驚喜🙈環境靚，帶父母嚟呢度食飯應該會滿意。不過以五星級大酒店嘅服務質素來講，未算最貼心，侍應冇介紹食物🤨。
Post
